Вярхоўная Рада Украіны прыняла законапраект, які дазволіць прызываць у армію зняволеных
Гаворка вядзецца пра людзей, якія здзейснілі няцяжкія злачынствы.
Сёння Вярхоўная Рада прыняла законапраект аб мабілізацыі некаторых катэгорый зняволеных. Пра гэта паведамляе РБК-Украіна.
Паводле вынікаў галасавання:
«за» прагаласавалі 279 народных дэпутатаў;
«супраць» — 0;
«устрымаліся» — 40.
Мабілізавацца з турмы не змогуць:
- дэпутаты;
- частка топ-карупцыянераў;
- вінаватыя ў цяжкіх злачынствах. Гаворка ідзе, напрыклад, пра забойствы, згвалтаванні.
Законапраект прадугледжвае мабілізацыю, а таксама вайсковую службу па кантракце зняволеным падчас ваеннага становішча.
У тым жа ліку законапраект прадугледжвае ўмоўна-датэрміновае вызваленне ад адбыцця пакарання, адпаведна, з наступнай службай па кантракце. Каб мабілізавацца, акрамя жадання асуджанага, неабходна і рашэнне суда.
Згодна з законапраектам, такім чынам могуць прызваць да 26 тысяч чалавек, а таксама 50 тысяч тых, хто ўжо адбыў пакаранне.
У Расіі зняволеным можна было запісацца на вайну ва Украіне фактычна адразу пасля пачатку поўнамаштабнага ўварвання. Прычым спачатку вербавалі толькі ў ПВК «Вагнер», а потым пачалі адпраўляць непасрэдна ў расійскія войскі ва Украіне.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары