Памочнік Лукашэнкі назваў гэта добрай традыцыяй.
На даху Гродзенскага драмтэатра 9 мая ўстанавілі копію Сцяга Перамогі.
Узняў сцяг над будынкам памочнік Лукашэнкі, экс-міністр унутраных спраў Юрый Караеў. Ён распавёў, што традыцыю ўсталёўваць сцяг над тэатрам увёў дырэктар Ігар Гедзіч.
Караеў распавёў, як савецкім салдатам у 1945 годзе ўдалося прарвацца ў «цэнтр прыняцця рашэнняў» у Берліне і вывесіць сцяг над Рэйхстагам, паведамляе «Пул 4 рэгіён».
«На сцягу паказаная дывізія, корпус і трэцяя ўдарная армія, у складзе якой ваявалі гэтыя людзі, якім выпала цяжкае выпрабаванне і адначасова гонар штурмаваць Берлін з іншымі злучэннямі і аб'яднаннямі Чырвонай Арміі, Увайсці, як цяпер кажуць, у цэнтр прыняцця рашэнняў, у логава фашысцкага звера, у Рэйхстаг і падняць над галоўнай кропкай Берліна, а такім чынам і ўсяго тагачаснага нацызму, Сцяг Перамогі», — заявіў Караеў.
Рэпліку Сцяга Перамогі стварылі ў Гродзенскім драмтэатры два гады таму. На яе выраб патрацілі сем дзён.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары