«Дзядзька Андрэй, спыніся». Пляменніца міністра абароны Расіі, якая жыве ў ЗША, звярнулася да яго пасля атакі на Кіеў
Блогер Наталля Вярцінская запісала відэа, у якім назвала сябе пляменніцай міністра абароны РФ Андрэя Белавусава. Відэа ў сацсетках заўважыла «Астра».
Жанчына звярнулася да Белавусава на фоне апошніх падзей, звязаных з абстрэлам бальніц у Кіеве, заклікала яго спыніцца і «не адпраўляць расейцаў на верную смерць».
У сваім звароце яна распавяла, што 10 гадоў таму жыла ў Кіеве і рэгулярна наведвала дзіцячую бальніцу «Ахматдзет» са сваім дзіцем-інвалідам.
Па словах Наталлі, у тым жа раёне Кіева да гэтага часу жыве стрыечны брат Белавусава, там жа пахаваныя яго бабуля, дзядуля і цётка.
«Я проста цябе заклікаю, дзядзька Андрэй, падумай пра тое, што ты творыш і спыніся, калі ласка, спыніся, — кажа Вярцінская. — Я ведала цябе заўсёды як добрага, прыстойнага чалавека. Я хачу, каб ты падумаў, пераасэнсаваў усё і спыніўся. Дзядзька Андрэй, калі ласка, памаліся, падумай пра тое, што вы робіце. Гэта не можа далей працягвацца».
Жанчына, з іншага боку, кажа, што ніколі не падтрымлівала сувязь з маскоўскім сваяком, але хоча, каб усе ведалі, што ў Кіеве ў міністра абароны РФ жыве брат.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях6
Каментары
А карма ж на ўсю сям'ю кладзецца, калі чальцы сям'і не робяць уласны выбар, ці падтрымліваюць дзеянні папашы.
Астатнія родзічы забойцаў з мінабароны РФ маўчаць...