У МЗС Беларусі быў запрошаны дыпламат ЕС з-за парушэння нашай паветранай прасторы. Вы не здагадаецеся, пра што размова
У МЗС быў запрошаны павераны ў справах Еўрапейскага саюза ў Рэспубліцы Беларусь Стэн Нерлаў.
![](http://nashaniva.com/img/w840d4webp1/photos/z_2024_08/2-59u15.jpg.webp)
У сувязі з парушэннем паветранай прасторы Беларусі 9 жніўня ўкраінскімі БПЛА да еўрапейскага дыпламата даведзена пазіцыя беларускага боку па гэтым пытанні, паведамілі ў прэс-службе МЗС.
Па версіі беларускага боку, на ўкраінскім дроне, які нібыта збілі над Беларуссю, была маркіроўка ЕС.
![](http://nashaniva.com/img/w732d4webp1/photos/z_2024_08/-usgwd.png.webp)
«Асабліва была адзначана наяўнасць маркіроўкі вытворцаў краін ЕС на шэрагу элементаў аднаго са збітых беларускімі сіламі СПА беспілотнікаў, — праінфармавалі ў МЗС. — Акцэнтавана, што такія дзеянні нясуць патэнцыял радыкальнай эскалацыі ваеннага канфлікту, у тым ліку на краіны ЕС».
У МЗС паведамілі, што «Беларусь, якая нязменна выступае за мірнае ўрэгуляванне крызісу шляхам перагавораў, заклікае Еўрасаюз прыняць усе магчымыя меры свайго ўплыву на ўкраінскае кіраўніцтва з мэтай прадухілення такіх дзеянняў у далейшым», піша БелТА.
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Каментары