Улады імітуюць перакідку войскаў на мяжу з Украінай — супольнасць чыгуначнікаў
Па даных супольнасці чыгуначнікаў, вельмі нязначная частка вайскоўцаў і тэхнікі даехала да мяжы.
![](http://nashaniva.com/img/w840d4webp1/photos/z_2024_08/33-xdm51.png.webp)
Як пішуць незалежныя чыгуначнікі, 11 жніўня каля 23:00 са станцыі Барысаў на станцыю Навабеліцкая быў адпраўлены воінскі эшалон №962 з 37 вагонаў:
- 3 пасажырскія вагоны (з асабовым саставам УС РБ);
- 3 крытыя вагоны (з рыштункам і боепрыпасамі);
- 31 вагон-платформа (з вайсковай тэхнікай).
На станцыі Навабеліцкая засталіся 28 вагонаў для разгрузкі.
Група з дзевяці вагонаў ад гэтага эшалона, у тым ліку гружаных гусенічнай тэхнікай (танкі Т-72Б), адпраўлена на станцыю Козенкі для разгрузкі: 1 пасажырскі вагон, платформы з танкамі — 8 адзінак.
Такім чынам, дадзенае перамяшчэнне нязначнага аб'ёму вайсковай тэхнікі і асабовага складу УС РБ не адпавядае значнаму ўзмацненню групоўкі войскаў на гомельскім і мазырскім кірунках. Апісаны «манеўр» па сваёй сутнасці больш адпавядае дэзынфармацыйнай або інфармацыйна-псіхалагічнай спецаперацыі (ІПСА) з боку дзейнага ў Беларусі рэжыму, пішуць чыгуначнікі.
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Каментары