БТ збіраецца запусціць яшчэ адзін канал — з прапагандай на англійскай мове
«Першы інфармацыйны» толькі запусціўся, а ў Івана Эйсманта ўжо новыя напалеонаўскія планы.
Белтэлерадыёкампанія збіраецца запусціць яшчэ адзін канал — гэтым разам на англійскай мове, расказаў кіраўнік БТРК Іван Эйсмант.
Праект можа быць рэалізаваны на базе «Беларусь 24» — спадарожнікавага канала, які быў створаны для вяшчання за мяжу, — піша Tochka.by.
«Мы ў гэтым кірунку толькі пачалі рухацца: адкрыццё на базе «Беларусь 24» англамоўнага тэлеканала, [у планах] адаптаваць той грамадска-палітычны матэрыял, які ў нас ёсць. Цяпер сучасныя тэхналогіі дазваляюць гэта вельмі хутка рабіць», — заявіў Эйсмант.
«Беларусь 24» транслюе навінавыя блокі і салянку з дзяржаўнай прапаганды з іншых каналаў. Частка выпускаў навін на «Беларусь 24» мае інфармацыйныя радкі на англійскай і польскай мовах, але Эйсмант хоча стварыць паўнавартаснае англамоўнае вяшчанне.
«Рабіць навіны на англійскай мове і тады тэлеканал падымаць праз спадарожнік на ўвесь астатні свет — гэта было б разумна», — лічыць кіраўнік БГТРК. Канкрэтных тэрмінаў запуску новага канала ён, праўда, не называе.
17 верасня БТ запусціла «Першы інфармацыйны». Яго эфірную сетку, акрамя навінавых выпускаў, запоўнілі праграмамі з іншых тэлеканалаў БТРК.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Глядзіце беларускія нацыянальныя праекты. Пра Кастуся Каліноўскага напрыклад.
https://m.youtube.com/watch?v=HV4g6089x1M