Прарасійскія актывісты апошнім часам пападаюць у няласку. Нядаўна экстрэмісцкім прызналі тэлеграм-канал «За Союзное государство Беларуси и России», які вёў Сяргей Шыптэнка, былы карэспандэнт Regnum. У маі спыніў сваю дзейнасць тэлеграм-канал «Заходнеруская Атлантыда».
Галоўны рэдактар Reform.news Фёдар Паўлючэнка ў інтэрв'ю «Радыё Свабода» разважае: тое, што грошы на дзейнасць гэтых актывістаў паступаюць з Крамля, не можа падабацца некаторым сілавікам з атачэння Лукашэнкі. «Ім не падабаецца, што на гэтай паляне расійска-беларускіх адносінаў спрабуюць гуляць іншыя асобы, акрамя Лукашэнкі», — кажа ён.
«Гэтыя прапагандысты атрымліваюць грошы ад Масквы, таму адчуваюць пэўную незалежнасць ад беларускага рэжыму. Аднак любы альтэрнатыўны, незалежны ад уладаў, падыход будзе карацца, асабліва напярэдадні выбарчай кампаніі», — лічыць Паўлючэнка.
На думку рэдактара Reform.news, перад наступнымі выбарамі «зачышчаць будуць усіх, каму не дазволена выказвацца».
«Умоўна кажучы, павінны застацца 5 «палітолагаў», якія будуць гаварыць пра палітыку. Адрозненне гэтай кампаніі ад іншых у тым, што галоўным рэфрэнам паўтараецца думка, што трэба пацярпець Лукашэнку яшчэ 5 гадоў. Гэта кажуць і сам Лукашэнка, і ягоныя чыноўнікі, і прапагандысты.
Тут і відавочна фіктыўная дыскусія пра тое, што, можа, ён і не пойдзе на выбары. І ягонае атачэнне нібыта ўгаворвае: «Давайце пераканаем яго яшчэ на адзін тэрмін». Відавочна, гэта разуменне таго факту, што людзі вельмі стаміліся ад яго».
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома8
Каментары