У Лунінцы паказальна асудзілі двух сяброў за сарваны чырвона-зялёны сцяг
Артур Молчан і Артур Канапацкі прысуджаныя да 6 месяцаў калоніі. Такое рашэнне 31 кастрычніка абвясціла суддзя Святлана Братанава, піша Брэсцкая вясна.
Само судовае слуханне праходзіла ў паказальным рэжыме, па-за будынкам суда, перад навучэнцамі політэхнічнага і аграрнага каледжаў.
Канапацкага і Молчана ў прысутнасці публікі паказальна ўзялі пад варту пасля абвяшчэння прысуду.
Сутнасць прэтэнзій да Молчана і Канапацкага была ў тым, што летам 2021 года ў Дзятлавічах знялі з крамы дзяржфлаг, а пасля нібыта спалілі ў лесе. Такім чынам, па версіі абвінавачвання і суддзі, адбылося злачынства «здзек з дзяржсімвала» (артыкул 370 КК).
Каментары
дык "рашэнні" такога "суда" значыць не маюць юрыдычнай сілы