У Беларусі стартавала распрацоўка праекта мадэльнага закона аб штучным інтэлекце для краін СНД. Пра гэта заявіў прэм'ер-міністр Беларусі Раман Галоўчанка на пленарным пасяджэнні форуму «Digital Almaty 2025: Індустрыя 4.0: тэхналогіі для новай эры» у Казахстане.
Па словах Галоўчанкі, законапраект сабраліся прадставіць ужо ў гэтым годзе. Яго асноўная мэта — уніфікацыя заканадаўстваў краін, якія ўваходзяць у СНД, у сферы ШІ. Дакумент таксама можа стаць асновай для выпрацоўкі агульных падыходаў да развіцця штучнага інтэлекту на ўзроўні Еўразійскага эканамічнага саюза.
Галоўчанка адзначыў, што інтэграцыйныя механізмы ЕАЭС даюць выдатную магчымасць для сумеснага збору даных, неабходных для навучання ШІ-рашэнняў.
«Паасобку сабраць неабходныя масівы даных для навучання ўласным рашэнням на нацыянальным узроўні будзе складана. Але нашы інтэграцыйныя механізмы даюць выдатную магчымасць выконваць гэтую задачу разам», — паведаміў ён.
Каментары