Сярод звестак, якія выцеклі з бота «Беларускага гаюна», былі ўнікальныя ID карыстальнікаў тэлеграм
Па гэтым нумары можна даведацца інфармацыю аб адкрытых чатах, у якіх знаходзіцца ўладальнік профілю, тэлефонны нумар, калі ён с самага пачатку не быў схаваны ў наладах, і гісторыю перайменавання акаўнта.
Сярод звестак, якія выцяклі з бота «Беларускага гаюна», былі ўнікальныя ID карыстальнікаў тэлеграм. Стваральнік праекта Антон Матолька пацвердзіў гэтую інфармацыю «Медыязоне».
Унікальны ID прысвойваецца карыстальніку пры стварэнні акаўнта. Па гэтым нумары можна даведацца інфармацыю аб адкрытых чатах, у якіх знаходзіцца ўладальнік профілю, тэлефонны нумар, калі ён з самага пачатку не быў схаваны ў наладах, і гісторыю перайменаванні акаўнта.
5 лютага сілавікі атрымалі доступ да чату, куды бот маніторынгавага праекта «Беларускі Гаюн» перанакіроўваў паведамленні ад людзей. Стваральнік праекта Антон Матолька паведаміў, што доступ да чату, куды перасылаліся паведамленні з бота, быў атрыманы ў выніку «несанкцыянаванага ўваходу».
— Калі вы дасылалі інфармацыю, якая можа вас ідэнтыфікаваць, або пісалі з акаўнтаў, якія могуць вас ідэнтыфікаваць, вы пад пагрозай, — дадаў аўтар праекта.
7 лютага стала вядома пра затрыманне 42-гадовага жыхара Мазыра Максіма Нікіценкі. Гэта першы вядомы затрыманы пасля ўцечкі даных з бота «Беларускага Гаюна».
У лютым 2023 года Антон Матолька назваў колькасць карыстальнікаў, якія напісалі ў бот, у 30 тысяч чалавек.
Учора Антон Матолька паведаміў, што праект «Беларускі Гаюн» спыняе працу.
Беларускі Гаюн — маніторынгавы OSINT-праект, які адсочваў ваенную актыўнасць расійскіх і беларускіх войскаў. Маніторынгавая група была створаная перад пачаткам расійска-ўкраінскай вайны актывістам Антонам Матолькам.
Праект «Беларускі гаюн» спыняе працу
Стала вядома імя чалавека, якога сілавікі назвалі першым затрыманым па справе «Гаюна»
У канале ГУБАЗіКа з’явілася дзіўнае сцвярджэнне пра адміна «Беларускага Гаюна»
Стрыжак назваў, колькі зваротаў прыйшло ў BYSOL праз узлом «Беларускага Гаюна»
Што можа пагражаць тым, хто пісаў у бот «Беларускага Гаюна»? І што можна зрабіць цяпер
Спасылку на бот «Гаюна» сілавікі знайшлі на тэлефоне затрыманай актывісткі, якая працяглы час хавалася ў Беларусі
Вось як сілавікі атрымалі доступ да бота «Беларускага Гаюна»
Бот Беларускага Гаюна быў узламаны. Хто туды пісаў — пад пагрозай
Каментары
прашу і патрабую не параноіць. Бяспечны месенджар, калі ўключаць мазгі, а не быць Антонам Матолькам