Амаль палова адкладае грошы, што засталіся пасля ўсіх неабходных выдаткаў.
Інстытут сацыялогіі НАН Беларусі правёў ацэнку і аналіз фінансавай пісьменнасці насельніцтва краіны ў кантэксце розных сацыяльных груп, піша Myfin.by.
У даследаванні гаворыцца, што прыкладна дзве траціны беларусаў не вядуць рэгулярны пісьмовы ўлік сямейнага бюджэту. Тых, хто ўлічвае свае выдаткі, аказалася ўсяго 33-37% у залежнасці ад групы.
Даследчыкі адзначаюць, што пераважаючай стратэгіяй кіравання фінансамі з’яўляецца «рэшткавае зберажэнне», калі адкладаюцца сродкі, што засталіся пасля ўсіх неабходных выдаткаў.
Гэтай стратэгіі прытрымліваецца 41-46% прадстаўнікоў усіх сацыяльных груп.
«У той жа час «эфектыўную стратэгію выдаткаў», якая прадугледжвае прыярытэтнае фарміраванне зберажэнняў і выдаткоўванне толькі тых сродкаў, што засталіся, выкарыстоўвае толькі траціна апытаных сярод моладзі і толькі чвэрць у кожнай з астатніх груп», — адзначаюць сацыёлагі.
Пры гэтым крыху менш за 20% апытаных ва ўсіх групах, акрамя пенсіянераў, увогуле не робяць зберажэнняў праз недахоп сродкаў. Сярод пенсіянераў гэтая доля складае 23%.
Тыя беларусы, якім усё ж удаецца адкладваць грошы, у большасці маюць фінансавую «падушку», якой у выпадку страты асноўнай крыніцы даходу хопіць толькі на кароткі перыяд — ад аднаго да трох месяцаў.
З сцвярджэннем аб неабходнасці адкладаць грошы на будучую пенсію згодныя каля 40% беларусаў (сярод моладзі — 38,2%, працуючых — 39,6%, пенсіянераў — 41,2%).
Маладыя людзі пры гэтым больш аптымістычна глядзяць на сваё будучыню: толькі 18,2% з іх лічаць, што праз сваё фінансавае становішча ніколі не атрымаюць у жыцці тое, чаго хочуць (сярод працуючых — 23,6%, пенсіянераў — 39,9%).
Таксама рэспандэнтаў папрасілі ўявіць, што яны выйгралі 50 тысяч рублёў, і падзяліцца, куды б яны накіравалі гэтыя грошы.
Сярод моладзі большасць палепшылі б жыллёвыя ўмовы (31,1% апытаных), а працуючыя беларусы і пенсіянеры пераважна адклалі б атрыманыя сродкі (адпаведна 25,9% і 35,3% рэспандэнтаў).
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары