13 красавіка ў Вільні адбудзецца беларускі «Суседскі фэст пісанак»
Грамадзянская ініцыятыва ў супрацы з Віленскім беларускім музеем імя Івана Луцкевіча сардэчна запрашаюць 13 красавіка на «Суседскі фэст пісанак». Шануем супольныя беларускія, літоўскія, украінскія традыцыі, даследуем, ствараем, знаёмімся і з радасцю вітаем вясну. Хэдлайнер фэсту — Андрусь Такінданг.
Арганізатары падрыхтавалі шырокую культурніцкую праграму Фэсту:
11:00 -12:00 — адкрыццё Фэсту і EthnoExpert Talk
майстар-класы:
12:00 — 13:45 — тры майстар-класы па пісанках: беларуская, украінская, літоўская традыцыі (для дарослых)
11:00 — 12:00 — майстар-клас па дэкору велікоднага яйка (для дзяцей 5+)
11:00 — 12:00 — майстар-клас «Вясновы шалік з набіванкай» (для дзяцей 8+)
гульні для дзяцей:
12:00 — 13:00 — Велікодны пошук яек
13:00 — 14:00 — традыцыйныя вясновыя гульні з дзецьмі
этна-канцэрт:
14:00 — 15:30 — этна-канцэрт
Выступаюць: Dorotė Girėja, вулічны тэатр «ВІР», аматарскі хор «Навокал», гурт беларускіх традыцыйных спеваў «Беларускі цуд», аматарскі хор «PraDziva», сямейны гурт «Світанак» і іншыя.
15:30 — 16:00 — майстар-клас па беларускіх, украінскіх, літоўскіх народных танцах.
16:00 — 16:30 — выступае Andrus Takindang | Andruś
16:30 — 19:00 — народныя танцы да ўпаду з Клюбам эўрапейскіх сацыяльных танцаў Vałoška
Вітаецца прыходзіць у народных строях! Але, вядома, можна завітаць, як ёсць, галоўнае — па-суседску і з добрым гуморам.
Як кажуць арганізатары фэсту:
«Перш наперш, фестываль суседзяў — месца сувязяў і цеплыні. Тут можна падзяліцца гісторыямі, традыцыямі, творчасцю, тут можна спяваць і танчыць у колах, якія будуць рабіцца толькі большымі! Запрашаем адзначыць надыход вясны не асобнымі культурамі, а цэлай супольнасцю».
Сачыце за навінамі фэсту на інстаграм-старонках Цэнтра беларускай супольнасці і культуры ў Вільні і самога фэсту.
Запіс на майстар-класы для дарослых
Запіс на майстар-класы для дзяцей
Дата: 13 красавіка, пачатак а 11— й.
Месца: Віленскі беларускі музей імя Івана Луцкевіча (Vilniaus g., 20)
Далучайцеся да свята жывой спадчыны!
«Боль доўгі час быў для творчасці перавагай, а не недахопам». Гурт Nochy ладзіць першы сольны канцэрт
«Арабы могуць быць у шоку, але трэнд ёсць трэнд»: беларусам прапаноўваюць дубайскія булкі да Вялікадня
Стаў вядомы спіс артыстаў Belbet Fest на «Дынама» ў Мінску
Як паўставала кампанія «Будзьма беларусамі!», якая трапіла ў крытычную сітуацыю
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары