Пра гэта паведаміла крыніца ў абласным цэнтры. Паводле адной з версій, забойца — жанчына.
Падчас сустрэч з журналістамі прадстаўнікі Упраўлення ўнутраных спраў і пракуратуры афіцыйна заявілі, што знойдзеныя толькі два целы з слядамі жорсткага забойства. Між тым, неафіцыйная крыніца ў магілёўскіх органах аховы парадку сцвярджае, што было знойдзена трэцяе.
У Магілёве знойдзена трэцяе цела, паведаміла НН ананімная крыніца. Пакуль невядома амаль ніякіх падрабязнасцяў пра асобу забітага ці забітай — ні пол, ні ўзрост, ні дзе было знойдзена цела. У хуткім часе ў магілёўскіх СМІ мусіць з’явіцца афіцыйная інфармацыя следства.
Нагадаем, 23 сакавіка гэтага года ў Магілёве ў раёне аўтамабільнай развязкі праз Дняпро паблізу вуліцы Фаціна быў знойдзены расчлянёны труп жанчыны. Як стала вядома пазней, ахвярай стала 35-гадовая магілёўка, што злоўжывала спіртнымі напоямі ды якая была пазбаўлена бацькоўскіх правоў. Цела было літаральна выпатрашана, кроў выпушчаная, адсутнічала галава, рукі і ногі. Пазней міліцэйскія сабакі знайшлі і іх — яны былі адсечаныя па суставы.
Эксперты-крыміналісты прыйшлі да высновы, што невядомы забойца расчляніў цела з веданнем справы. 31 сакавіка ў тым жа раёне ў падвале аднаго з дамоў было знойдзена яшчэ адно разрэзанае на кавалкі цела. Яно было настолькі пашкоджанае, што не адразу ўдалося высветліць мужчына гэта ці жанчына. Крыніца НН паведамляе, што гэта жанчына.
Паводле адной з версій, усе забітыя былі добра знаёмыя між сабой, вялі асацыяльны лад жыцця. І найхутчэй былі забітыя ў адзін дзень адным і тым жа чалавекам. Таксама гаворыцца пра знаёмую першай ахвяры, былую работніцу трупярні. Яе цяпер шукаюць.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары