У Валожынскім раёне быў заўважаны павук-аса, або паласатая аргіопа. Яго яскравая афарбоўка нагадвае асу і выглядае пагрозліва, аднак для чалавека ён амаль бяспечны.
Укус павука параўнальны з укусам пчалы і ўяўляе небяспеку галоўным чынам для алергікаў і маленькіх дзяцей.
Упершыню аргіопа з’явілася ў Беларусі ў 2001 годзе — у Белавежскай пушчы, піша mlyn.by.
Сёння павук-аса стаў звыклым відам, які сустракаецца на лугах, палянах і ў поймах рэк. Біёлагі адзначаюць, што рассяленне павука звязана не толькі з змяненнем клімату, але і з адаптацыяй віду да больш суровых умоў. Самкі трымаюцца ў цэнтры павуціны галавой уніз, а іх сеткі адрозніваюцца шырокімі дэкаратыўнымі палосамі. Цікава, што кожную ноч павук часткова разбурае і з’ядае сваю павуціну, а раніцай будуе яе нанова. Самцы значна меншыя, жывуць нядоўга і пасля спарвання часта становяцца здабычай самкі.
Нягледзячы на ўнушальныя памеры, для чалавека ён не ўяўляе сур’ёзнай пагрозы. Яго ўкус выклікае толькі боль і дыскамфорт, але можа быць рызыкоўным для людзей з алергіяй.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары