У вёсцы Гарані Мінскага раёна на АЗС зайшла жанчына, якая пасля пакупкі прадуктаў упэўніла прадавачку ў тым, што яна відушчая, паведамляе СК.
Незнаёмка прамовіла: «Пра дзіця хачу табе сказаць, баліць бок у яго». Прадавачка паслухалася, бо старэйшая дачка ў яе сапраўды часта хварэла.
Жанчыны абмяняліся кантактамі, і варажбітка ўжо вечарам прыехала ў Валожын дадому да той жанчыны. Варажбітка запаліла свечку, прачытала спецыяльныя малітвы, абыходзячы ўсе пакоі дома па чарзе. Так яна нібыта высветліла, што на дзяўчынцы ляжыць нібы праклён, каб зняць які патрэбны «магічны» абрад.
Зламысніца запатрабавала сабраць усё золата, што ёсць у доме, для таямнічага ачышчэння. Яшчэ для заклінання яна папрасіла яйкі, ваду, сурвэтку, сподак і нават электрабрытву мужа.
Нешта яна выкарыстала ў абрадзе, а з каштоўнымі рэчамі, а таксама 100 рублямі і 50 еўра з 5 рублямі «для царквы» сышла, паабяцаўшы вярнуць усё праз двое сутак.
Праз два дні жыхарка Валожына зноў патэлефанавала «знахарцы», але тая сказала, што абрад не завершаны і трэба заплаціць яшчэ 1000 рублёў. Тут жанчына зразумела, што звязалася з махляркай, і патэлефанавала ў міліцыю.
Праваахоўнікі ўстанавілі, што «відушчая» аказалася рэцыдывісткай з багатай крымінальнай мінуўшчынай, якая толькі нядаўна выйшла з турмы, дзе адбывала тэрмін за махлярства ў асабліва буйным памеры.
У дачыненні да затрыманай зноў завялі крымінальную справу аб махлярстве (ч.3 арт.209 Крымінальнага кодэкса Беларусі). Ідзе следства. Усю выкрадзеную маёмасць удалося вярнуць уладальніцы.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект19
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары