Навукоўцы знайшлі новы для Белавежскай пушчы від грыба — элафаміцэс шыпаваты. Пра гэта паведамляе афіцыйны сайт нацыянальнага парку.
Супрацоўнікі навуковага аддзела Белавежскай пушчы зрабілі дзіўную знаходку падчас палявых даследаванняў. Яны знайшлі новы від грыба — элафаміцэс шыпаваты (Elaphomyces muricatus). Гэты падземны сумчаты грыб, які вонкава нагадвае труфель.
«Грыб расце пад зямлёй на глыбіні ад 2 да 20 см, што робіць яго пошукі даволі складанымі. Аднак лясныя насельнікі знаходзяць па паху і ахвотна ядуць гэтыя грыбы, пакідаючы магчымасць заўважыць выкапаныя вонкі пладовыя целы, цудам ацалелыя пасля такіх трапез. Варта адзначыць, што гэты від для чалавека з'яўляецца неядомым», — заўважылі ў навуковым аддзеле.
Расце грыб пераважна ў прыбярэжных дубровах і змешаных лясах, дзе ўтварае мікарызу з рознымі відамі лісцевых дрэў.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары