Беларусь заняла другое месца сярод краін СНД па колькасці кібератак, саступіўшы толькі Расіі. Такія даныя паказала кампанія Positive Technologies на канферэнцыі па інфармацыйнай бяспецы Positive SOCcon 2.5 у Мінску, піша сайт kv.by.
Паводле даследавання, у другой палове 2024 года і на працягу першых трох кварталаў 2025‑га на беларускія арганізацыі прыпала каля 9% усіх паспяховых кібератак у СНД. Безумоўны лідар тут Расія, на якую прыпалі 72%, на Казахстан — 7%.
Эксперты адзначаюць, што рост атак можа быць звязаны з павышанай цікавасцю зламыснікаў да арганізацый, якія ўдзельнічаюць у міжнародным супрацоўніцтве з Расіяй. Беларусь як найбліжэйшая яе саюзніца можа быць аб’ектам увагі замежных кібершпіёнскіх структур. Іх цікавяць дакументы, перапіска, інфармацыя пра лагістыку, санкцыі і ўнутраную сітуацыю ў краіне.
Вялікая частка інцыдэнтаў (24%) звязаная з хактывістамі, якія звычайна шыфруюць або знішчаюць даныя, а таксама ладзяць дэфейс-атакі — змяняюць змест сайтаў.
Беларусь таксама ў полі зроку кібермахляроў, якія імкнуцца атрымаць фінансавую выгаду. Асабліва часта атакуюць банкаўскую сферу, лагістыку, тэлекамунікацыі і дзяржаўныя структуры. Найбольш распаўсюджаныя спосабы — фішынг, распаўсюджванне шкодных праграм і шантаж з выкарыстаннем праграм-шыфравальнікаў.
Паводле даследавання, колькасць атак праз эксплуатацыю ўразлівасцяў у сістэмах вырасла з 34% да 48%, што звязана з выкарыстаннем састарэлых IT-сістэм і недахопам спецыялістаў па кіберабароне.
У 67% выпадкаў кібератакі ў Беларусі праводзяцца праз метады сацыяльнай інжынерыі, а доля шкоднасных праграм зменшылася з 77% да 62%.
У выніку 62% паспяховых атак прыводзяць да ўцечкі канфідэнцыйнай інфармацыі. Такія даныя карыстаюцца попытам на ценявых інтэрнэт-пляцоўках: 14% аб’яў там прысвечаныя пошуку канкрэтных звестак, яшчэ 14% — прапановам іх купіць. Кошт самых дарагіх даных дасягае 3000 даляраў.
Найбольш часта ў Беларусі атакуюць дзяржаўныя ўстановы (18% выпадкаў), далей ідуць прамысловасць (14%) і фінансавы сектар (11%). Банкі застаюцца адной з галоўных мэтаў зламыснікаў.
У Беларусі знайшлі копію швейцарскіх Альпаў — але турыстаў там не чакаюць2
Каментары
Но хорошо, что она крайне легко обходится и АВ продолжают работать в Беларуси.
У праграме канферэнцыі рэкламныя выступы супрацоўнікаў кампаніі пра свае прадукты, а пачынаецца яна вітальным словам прадстаўніка ААЦ пры "прэзідэнце" РБ.
Расейская - ў Мінску. І ААЦ. Гэтага дастаткова, каб паказаць абсурд разумення бяспекі?