На Шчучыншчыне мужчына рамантаваў дах кароўніка і трапіў у рэанімацыю
У Шчучынскім раёне 48‑гадовы рабочы атрымаў цяжкія траўмы, упаўшы з даху, паведамляе Следчы камітэт.
Паводле папярэдніх звестак, раніцай 30 верасня будаўнічая брыгада выконвала рамонтныя работы малочнатаварнага комплексу. Брыгадзір паведаміў рабочым, што далей плануецца замена палімерных лістоў аэратара, аднак асобнага распараджэння пачынаць гэтыя работы ён не даваў.
Нягледзячы на гэта, рабочыя самастойна прыступілі да рамонту даху кароўніка. Пры гэтым яны працавалі без страховачнага абсталявання.
Падчас перамяшчэння па даху 48‑гадовы мужчына наступіў на святлопрапускное акно. Канструкцыя не вытрымала яго вагі, у выніку чаго рабочы ўпаў на бетонную паверхню.
Пацярпелага з траўмамі рознай ступені цяжкасці экстранна шпіталізавалі ў рэанімацыйнае аддзяленне медыцынскай установы.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары