Грузінскім студэнтам у Маскве не рэкамэндуюць выходзіць на вуліцу
Грузінскія студэнты ў Маскве атрымалі папярэджаньне: устрымацца ад прагулак і наведваньня грамадзкіх месцаў.
Грузінскія студэнты ў Маскве атрымалі папярэджаньне: устрымацца ад прагулак і наведваньня грамадзкіх месцаў. Пра гэта паведамляюць расейскія СМІ.
Самая вялікая колькасьць маладых людзей з грузінскім грамадзянствам навучаецца ў Расейскім унівэрсытэце дружбы народаў – 70 чалавек.
Як паведаміў прэзыдэнт зямляцтва Грузіі РУДН Нукры Нодзія, да апошняга моманту ВНУ прытрымліваецца заяўленай устаноўкі «на дружбу маладых людзей усіх нацыянальнасьцяў» – між студэнтаў няма ніякіх сутычак і канфліктаў.
Але за межамі РУДН сытуацыя горшая. Міліцыя пачала часьцей правяраць дакумэнты ў «нярускіх» маладых людзей. Каб адкупіцца, яны перадаюць «вартаўнікам парадку» даволі значныя сумы, інакш атрымліваюць у пашпарт штамп пра дэпартацыю з Расеі, прычым гэта адбываецца нават у тым выпадку, калі дакумэнты ў ідэальным парадку.
Каб унікнуць падобных інцыдэнтаў выкладчыкі праводзяць з грузінскімі студэнтамі спэцыяльныя гутаркі. Іх вельмі просяць устрымацца ад прагулак па горадзе, знаёмінаў зь дзяўчынамі, наведваньняў клюбаў ды іншых грамадзкіх месцаў, прынамсі пару тыдняў, пакуль хоць крыху аціхне гістэрыя.
-
Польскі суд адобрыў экстрадыцыю вядомага расійскага археолага ва Украіну. Яго вінавацяць у незаконных раскопках у Крыме
-
Кіраўнік «Альтэрнатывы для Германіі» Аліса Вайдэль заклікала да паставак нафты з Расіі
-
Японец 26 гадоў арандаваў кватэру, дзе забілі яго жонку, каб захаваць доказы ў спадзяванні на новыя тэхналогіі. І ўрэшце забойцу знайшлі
Каментары