Доўгія ногі — гэта не проста прыгожа. Гэта яшчэ і прыкмета здароўя.
Мужчынам падабаюцца даўганогія жанчыны.Пры гэтым, і жанчыны таксама часьцей прыпыняюць погляд на даўганогіх мужчынах. Да такіх высноў прыйшлі польскія навукоўцы з універсітэта Вроцлава.
Яны правялі эксперымент, у ходзе якога дзвесце з лішнім добраахвотнікаў абодвух палоў, павінны былі ацаніць прывабнасць людзей супрацьлеглага полу.
Для ацэнкі удзельніцам эксперыменту прапаноўваліся фатаграфіі, на якіх адлюстроўвалася сем мужчын і сем жанчын. Некаторыя з фатаграфій падвергнуліся лічбавай апрацоўцы такім чынам, што ногі людзей на іх сталі даўжэй сярэдняга паказчыка ў Польшчы на 5%, 10%, ці нават 15%. Зразумела, добраахвотнікі пра лічбавую апрацоўку не ведалі.
Больш за ўсё добраахвотнікам абодвух палоў спадабаліся — тыя людзі, у якіх ногі былі даўжэй стандартнага паказчыка па краіне на 5%.За імі па ўзроўні прывабнасці ішлі людзі, чые ногі былі сярэдняй даўжыні, а трэцяе месца дасталася фатаграфіям, ногі людзей на якіх перавышалі стандартны паказчык на 10%.
Навукоўцы лічаць гэта нармальным: чалавечая свядомасць вызначае як найбольш прывабных тых патэнцыйных партнёраў, якія з’яўляюцца самымі здаровымі. Бо ўжо даказана, што ва ўладальнікаў кароткіх ног часцей, чым у іншых людзей, развіваюцца дыябет і
Акрамя таго, доўгія ногі, і асабліва ў прадстаўніц прыгожага полу, гэта прыкмета добрага харчавання ў дзяцінстве — бо ногі ў жанчын перастаюць расці, калі дзяўчына ўступае ў полавую зрэласць. У мужчын, праўда, ногі растуць і пасля наступлення гэтага перыяду.
Польскія навукоўцы лічаць, што вынікі праведзенага імі даследавання актуальныя не толькі ў межах іх краіны, але і для ўсяго свету.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары