Абітурыентаў Інстытута журналістыкі на прафесійна-псіхалагічным сумоўі ў БДУ пыталіся пра тое, ці з'яўляюцца яны сябрамі БРСМ і ці ведаюць яны, які тыраж «СБ».
Абітурыентаў Інстытута журналістыкі на прафесійна-псіхалагічным сумоўі ў БДУ пыталіся пра тое, ці з'яўляюцца яны сябрамі БРСМ, у якіх арганізацыях знаходзіцца Японія, і ці ведаюць яны, які тыраж «Советской Белоруссии».
На сумоўі 9 красавіку ў абітурыентаў цікавіліся, у тым ліку ці знаходзяцца яны ў шэрагах БРСМ.
- Калі я адказала, што не з'яўляюся сябрам гэтай арганізацыі, у мяне спыталі, чаму. Я не стала казаць падрабязнасці, - распавяла карэспандэнту «Салідарнасці» абітурыентка Юлія. - Тады мяне папрасілі назваць газеты, якія выдаюцца ў маім горадзе. Я назвала выданне, з якім супрацоўнічаю. Але мне было сказана, што гэта прыватная газета. «Вы нам дзяржаўныя выданні назавіце». Потым пайшло пытанне аб нацыянальных выданнях, якія я ведаю. Я толькі назвала «Нашу Ніву», як мяне перапынілі на паўслове. «Не, вы называйце дзяржвыданні». Я назвала «СБ», але на пытанні аб тым, хто галоўны рэдактар газеты і які ў яе наклад адказаць не змагла. «
Вы што, не ведаеце тыраж «СБ»?» - Абурыўся дзядзька з камісіі.
Тым не менш, сумоўе Юля прайшла.
- У калідоры мы пазнаёміліся з маладым чалавекам, які таксама збіраецца паступаць на журналістыку, - працягнула суразмоўца. - На пытанне камісіі, чаму ён хоча стаць журналістам, хлопец сказаў, што ён хоча несці людзям праўду.
«Адкрыем табе сакрэт: у Беларусі такога не будзе, - заявіў сябра камісіі. - Ты будзеш пісаць тое, што табе скажуць».
Цікава, што пытанні на сумоўі будучым журналістам некалькі адрозніваюцца ад тых, што размешчаны на сайце БДУ.
У першую чаргу, у абітурыента высвятляюць матывацыю выбару прафесіі, планы абітурыента на будучыню, яго ўдзел у грамадскай рабоце, дзелавыя якасці, эрудыцыю, кола інтарэсаў, яго дасягненні ў вучобе, яго камунікатыўную кампетэнтнасць і эмацыйна-паводзінную сферу.
Будучых журналістаў могуць спытаць пра асаблівасці СМІ або задаць ім пытанні, якія дазволяць вызначыць узровень агульнага развіцця. Напрыклад, што цікавага вы можаце распавесці замежніку пра культуру і традыцыі народа Беларусі, якія гістарычныя падзеі ў беларускай гісторыі вы лічыце самымі важнымі, калі святкуецца Дзень незалежнасці нашай краіны, з якімі дзяржавамі ўсталяваныя найбольш трывалыя ўзаемавыгадныя адносіны.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага45
Герой Беларусі Марына Васілеўская нарадзіла дачку ад касманаўта Алега Навіцкага
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары