У галерэі Леаніда Шчамялёва прайшла прэзэнтацыя вялікафарматнага насьценнага перакіднога календара на наступны год.
У галерэі Леаніда Шчамялёва, што на сталічным праспэкце Ракасоўскага, у пятніцу прайшла прэзэнтацыя вялікафарматнага насьценнага перакіднога календара на наступны год. Каляндар мае назву «Дзелавыя жанчыны» і гэта ўжо сёмы каляндар у сэрыі «Кабеты Беларусі».
Адна з укладальніц календара Натальля Палятаева. Дызайн выпуску на 2007 г. распрацаваў мастак Мікалай Стас.
Выданьне знаёміць зь беларускімі бізнэс-вумэн пачынаючы ад Каралевы Боны (ХVI ст.). Праект, якому ужо сем год, курыруе дырэктарка Цэнтру гендэрных дасьледаваньняў Алена Гапава. Каляндар на 2007-ы год надрукаваны пры падтрымцы ААН, а ягоны распаўсюд ажыцьцяўляецца выключна шляхам падарункаў.
Календары за мінулыя гады можна набыць у галерэі «Падземка».
На фота кіраўнічка праекту Алена Гапава і Мікалай Стас.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны6
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары