Ён быў дырэктарам Беларускага інстытута стратэгічных даследаванняў. Яму было 38 гадоў.
Гэта здарылася ўдзень у суботу, 11 чэрвеня.38-гадовы Віталь Сіліцкі больш за год змагаўся з ракам (ныркі).
Перанёс аперацыю — яму выдалілі нырку, але, на жаль, пухліна дала метастазы ў лёгкія.
Яго назіралі дактары клінікі ў Бараўлянах. Сябры забяспечылі яго найлепшымі даступнымі лекамі. На жаль, хваробу выявілі на позняй стадыі, а метастазы былі знойдзеныя ў абодвух лёгкіх адначасова. Іх развіццё можна было толькі замарудзіць, але немагчыма было спыніць. З дапамогай Офіса за дэмакратычную Беларусь (Брусэль) Сіліцкі нейкі час лекаваўся ў клініцы ў Бельгіі. Калі стала ясна, што ніякія зацверджаныя лекі не дзейнічаюць, ён нейкі час прымаў эксперыментальныя сродкі, што праходзяць апрабацыю ў ЕС.
Сіліцкі прыняў рашэнне вярнуцца ў Беларусь з Бельгіі, дзе праходзіў курс тэрапіі, пасля таго як стан здароўя стаў імкліва горшаць.
Апошнія тыдні ён трымаўся на абязбольваючых марфінах, а апошнія дні рэдка прыходзіў у прытомнасць.
За некалькі гадзін да адыходу яго чарговы, апошні раз наведаў праваслаўны святар. Па ягонай волі, гэта быў беларускамоўны святар.
Віталь Сіліцкі быў дырэктарам Беларускага інстытута стратэгічных даследаванняў. Гэта быў выдатны палітолаг з бліскучай адукацыяй і сусветным рэнамэ. Ён быў голасам незалежнай Беларусі, які гучаў з самых высокіх трыбун.Ужо хворы, ён працаваў у рэжыме
Як грамадзянін, ён быў бясконца адданы Беларусі і беларускасці.
Яго кнігі — ужо пасмяротныя — рыхтуюць да друку «ARCHE» і «Беларускі калегіум». У Беларускім інстытуце стратэгічных даследаванняў яго зменяць Дзяніс Мельянцоў і Аляксей Пікулік.
У Віталя засталіся бацькі і брат.
У часе адной з апошніх сустрэч з сябрамі Сіліцкі прасіў перадаць лідарам апазіцыі, каб яны ішлі да людзей, ішлі на прадпрыемствы і неслі праўду пра сітуацыю ў краіне і шлях выхаду з яе.
«Я паміраю. А вы зрабіце ўсё, каб жылі тыя ідэі, якімі я жыў», — сказаў ён сябрам у адзін з апошніх дзён.
Жыве Беларусь, Віталь!
* * *
Развітацца з Віталём Сіліцкім можна будзе ў панядзелак ад 11 да 14-й гадзіны у рытуальнай зале, што на вуліцы Альшэўскага, 12.Пытанне месца пахавання яшчэ вырашаецца.
* * *
Віталь Сіліцкі. Што значыць быць беларусам?
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік58
Каментары