Становішча ў Лондане, дзе з нядзелі працягваюцца пагромы, пачынае стабілізавацца. Мінулая ноч у горадзе, куды ўведзеныя дадатковыя сілы паліцыі, прайшла адносна спакойна. Затое беспарадкі пачынаюць успыхваць з новай сілай у іншых гарадах краіны - Манчэстары, Салфорде, Ліверпулі, Нотынгеме і Бірмінгеме. Пагромшчыкі падпальваюць аўтамабілі і крамы і займаюцца марадзёрствам.
Натоўпы, якія складаліся перадусім з моладзі, дзейнічалі на вуліцах Манчэстара ўсю ноч. Усяго ў горадзе і яго прыгарадзе Салфорде былі затрыманы больш за 100 чалавек.
У другім па велічыні горадзе Вялікабрытаніі Бірмінгеме ўдзельнікі такіх груп закідалі паліцыю камянямі і бутэлькамі. Яны ж рабавалі мясцовыя крамы.
Масавыя хваляванні пачаліся ў сталіцы Вялікабрытаніі ў ноч на нядзелю. Хуліганы падпальвалі машыны, ламалі вітрыны і марадзёрствавалі адразу ў некалькіх раёнах горада. Для дапамогі сілам правапарадку цэнтральныя ўлады сцягнулі ў горад дадатковыя атрады паліцыі, якія спецыялізуюцца на процідзеянні вулічным беспарадкам.
Па апошніх дадзеных,
усяго падчас беспарадкаў па ўсёй краіне былі затрыманы больш за тысячу чалавек.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары