Беларуска‑расійскае сумеснае прадпрыемства на базе ААТ «Белтрансгаз» будзе створана раней за намечаны тэрмін. Аб гэтым паведаміў сёння карэспандэнту БЕЛТА намеснік міністра эканомікі Беларусі Алег Мельнікаў.
Завяршыць стварэнне СП планавалася да 1 чэрвеня 2007 года. «Я думаю, што гэта адбудзецца раней», — сказаў намеснік міністра эканомікі.
Паводле яго слоў, да гэтага часу ўсе прынцыповыя ўмовы па гэтаму дагавору ўзгоднены, засталося вырашыць тэхнічныя пытанні, звязаныя з заключэннем самога дагавора. Гэта канкрэтызацыя ўмоў плацяжоў, сацыяльныя пытанні, унясенне змяненняў ва ўстаноўчыя дакументы. «Усё гэта — звычайныя працэдурныя моманты», ‑ падкрэсліў Алег Мельнікаў.
Намеснік міністра эканомікі дадаў, што цяпер ідзе падрыхтоўка неабходных дакументаў, разгляд іх урадамі дзвюх краін. Затым адбудзецца працэдура перадачы 50 працэнтаў акцый расійскаму боку.
Нагадаем, што 31 снежня 2006 года Беларусь і Расія падпісалі пратакол аб стварэнні сумеснага прадпрыемства на базе ААТ «Белтрансгаз», згодна з якім «Газпрам» выкупіць 50 працэнтаў акцый «Белтрансгазу». Да 1 чэрвеня 2007 года «Газпрам» і «Белтрансгаз» павінны стварыць сумеснае прадпрыемства.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары