У працы даменнай зоны .BY адбыліся значныя змены , паведамілі ў адміністрацыі УП "Надзейныя праграмы" (tut.by, hoster.by).
Цяпер гэта прадпрыемства з'яўляецца тэхнічным адміністратарам нацыянальнай даменнай зоны Беларусі. Звесткі рэестра між "старым" (прадпрыемства "Адкрыты кантакт") і "новым" ("Надзейныя праграмы") тэхнічнымі адміністратарамі былі сінхранізаваныя —
даменную зону .BY цяпер абслугоўваюць серверы hoster.by.
Адначасова з завяршэннем змены ўступілі ў сілу новыя правілы рэгістрацыі даменаў у нацыянальнай даменнай зоне.
Цяпер для даменаў .BY запрацаваў WHOIS-сэрвіс, які дазваляе праверыць, ці вольны дамен, які цікавіць. Адменены і перыяд бясплатнага 30-дзённага браніравання даменных імёнаў (гэтым карысталіся кіберсквотары) і скасаваная працэдура ўхвалення заявак у Аператыўна-аналітычным цэнтры пры прэзіденце Беларусі (ААЦ), адміністратары нацыянальнай даменнай зоны .BY.
Міжнародная асацыяцыя па наданні даменных імёнаў ICANN 7 лютага ўхваліла кандыдатуру УП "Надзейныя праграмы" ў якасці тэхнічнага адміністратара зоны .BY.Раней "Надзейныя праграмы" выйгралі адкрыты конкурс па тэхнічным адміністраванні нацыянальнай даменнай зоны.
УП "Надзейныя праграмы" (hoster.by) — найбуйнейшы рэгістратар даменных імёнаў у зоне .BY. На момант перадачы даменной зоны праз hoster.by было зарэгістравана 22246 даменаў .BY, "Адкрыты кантакт" — 20329, "Актыўныя тэхналогіі" — 4502, "Экстмедыя" — 3188, "Дзелавая сетка" — 281 даменных імёнаў. Паслугі рэгістрацыі даменаў у зоне .BY прапануюць пяць рэгістратараў, імі зарэгістравана больш за 51 тыс. імёнаў у нацыянальнай даменнай зоне.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары