Алена Каваленка: «Сяргей не выключае, што зноў пачне галадоўку»
30 красавіка з вязнем у псіхіятрычным шпіталі ў Навінках сустрэлася ягоная жонка.
«Выглядае ён з твару крыху лепей, але цела па-ранейшаму — косці, абцягнутыя скурай. Днямі Сяргею зрабілі ультрагукавое абследаванне органаў брушной поласці, пра гэта распавёў лекар. Высветлілі, што ў яго дыфузныя змены ў падстраўнікавай залозе і адна нырка панізілася. Колькі важыць, не сказаў, але сказаў, што набраў каля 7 кілаграмаў. Есць ён там у асноўным гародніну ды садавіну, але і тое, што там даюць, паціху есьць. У тым ліку, як я разумею, пачаў есьці і мясныя стравы.
Заключэнне лекараў будзе вынесенае 7–8 траўня. Напярэдадні ён адказаў на 512 пытаньняў — нейкія тэсты праходзіў.Але галоўная навіна, што ўжо ў сераду, 2 траўня, Сяргея могуць этапаваць з «Навінак», і ў сувязі з гэтым ён не выключае, што пачне зноў галадоўку. Пра тое, што яго могуць этапаваць ужо праз два дні, Сяргей даведаўся ад мяне. Невядома, куды яго могуць адвезці».
***
Актывіст КХП БНФ Сяргей Каваленка рашэннем Віцебскага абласнога суда накіраваны на псіхіятрычную экспертызу ў Навінкі. У снежні-сакавіку з перапынкам на 20 дзён Сяргей Каваленка трымаў галадоўку, пратэстуючы супроць прысуду. Каваленку асудзілі на 2 гады і месяц за парушэнне парадку адбыцця хатняй «хіміі», якую ён атрымаў за вывешванне бел-чырвона-белага сцяга на навагодняй ёлцы ў Віцебску 7 студзеня 2010 года.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Цяпер чытаюць
Зяленскі: Рэтранслятары на мяжы Беларусі прыпынілі працу71
Каментары