Статкевіч папрасіў прабачэння ў жонкі за тое, што не будзе пісаць просьбу аб памілаванні
У сераду раніцай экс-кандыдат у прэзідэнты патэлефанаваў жонцы з магілёўскай турмы.
— Гэта чацвёртае тэлефанаванне за апошнія паўгода, — сказала Марына Адамовіч. Паводле словаў жонкі палітвязня, тэлефанаванне мужа стала для яе нечаканасцю.
— Я так расхвалявалася, што не пра ўсё яго распытала, — прызналася Марына Адамовіч. — Голас Міколы гучаў бадзёра і ўпэўнена. Ён папрасіў у мяне прабачэння за тое, што не падпісвае прашэння аб памілаванні. Зразумела, што
Статкевіч таксама распавёў што для таго, каб патрапіць у карцар, у якім ён павінен адбываць 10 сутак, у магілёўскай турме № 4 трэба дачакацца чаргі. Таму пакуль ён знаходзіцца ў камеры СІЗА.
— Калі б з яго не сталі рабіць злоснага парушальніка, Мікалаю належыла б два спатканні ў год, — з сумам кажа Марына Адамовіч. — Наўрад ці я ўбачу яго раней 2013 года.
Акрамя таго, Статкевіч будзе жыць без прадуктовых пасылак на працягу года.Паколькі, у адрозненне ад калоніі, адбыванне пакарання ў турме прадугледжвае для зняволеных адну бандэроль да двух кілаграмаў у год.
— Для зняволеных у турме пад забаронай прагулкі, — сказала Марына Адамовіч. — Ні сонца, ні травы гэтым летам Мікалай не ўбачыць.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары