75-гадовы пенсіянер чацвёра сутак правёў у лесе, сілкуючыся грыбамі і ягадамі.
Жыхар вёскі Маркавічы Гомельскага раёна 1937 года нараджэння адправіўся ў грыбы, не папярэдзіўшы родных і блізкіх, ды заблукаў. Чацвёра сутак пажылы мужчына правёў у лесе, сілкуючыся грыбамі ды ягадамі.
Дзякуючы ўзаемадзеянню з праваахоўнікамі з Украіны зніклага ўдалося знайсці на тэрыторыі лясніцтва ля вёскі Рэпкі Чарнігаўскай вобласці. З абязводжваннем і ў шокавым стане пенсіянера даставілі ў мясцовую бальніцу, а пасля перадалі гомельскім медыкам. Зараз здароўю мужчыны нічога не пагражае.
Ва УУС Гомельскага аблвыканкама дадалі, што з надыходам ягадна-грыбнага сезону праблема знікнення людзей у лясах абвастраецца.Многіх падводзіць упэўненасць у тым, што свой лясной квартал яны ведаюць з дзяцінства. Аднак, як паказвае практыка, заблукаць могуць нават самыя дасведчаныя грыбнікі і ягаднікі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары