Міністэрства замежных справаў Беларусі заяўляе, што намаганні краіны і Захаду павінны быць сканцэнтраваны на правядзенні перамоваў.Яны, са словаў прэс-сакратара МЗС Андрэя Савіных, дадуць магчымасць вырашыць супярэчнасці паміж афіцыйным Мінскам і заходнімі краінамі, нягледзячы на наяўныя праблемы.
«Спіс прэтэнзій ёсць у абодвух бакоў. Але справа не ў гэтым, а ў тым, што вырашыць іх можна толькі за сталом перамоваў і ў рамках канструктыўнага ўзаемадзеяння. Мяркую, менавіта на гэтым і трэба сканцэнтраваць нашу ўвагу», — заявіў на брыфінгу ў чацвер ў Мінску начальнік упраўлення інфармацыі —
Савіных акцэнтаваў увагу на праблеме правоў чалавека. Гэтая тэма выкарыстоўваецца Захадам для ціску на краіны ў сваіх палітычных і эканамічных інтарэсах, заявіў Савіных.«У гэтым кантэксце суб’ектыўнасць меркаванняў еўрапейскіх краін відавочная і выклікае сур’ёзныя праблемы», — сказаў ён.
Паводле яго слоў, «
«Мы цалкам сыходзімся з ЕС у разуменні неабходнасці фарміравання паўнавартай грамадзянскай супольнасці і дэмакратычных традыцый, — сказаў прэсавы сакратар МЗС. — Мы добра бачым, што на гэта патрабуецца час і спрыяльнае грамадскае асяроддзе, заснаванае на даверы і гарманізацыі інтарэсаў асноўных сацыяльных груп.Менавіта такім чынам гэты працэс працякаў ў краінах Захаду», — падкрэсліў Андрэй Савіных.
Ён выказаў страхі, што паскарэнне дэмакратызацыі прывядзе да рэвалюцыйных перамен.
Паводле ягоных словаў, заходнія палітычныя колы патрабуюць ўвядзення гэтых стандартаў адразу, у адзін момант, дадаў Андрэй Савіных, «ігнаруючы эканамічныя і сацыяльныя ўзрушэнні і дыспрапорцыі, якія непазбежна паўстануць, калі гэты працэс будзе штучна паскораны».
Савіных спасылаўся на «вопыт многіх краін» і даказваў, што «штучныя сацыяльныя эксперыменты ніколі не прыводзілі да станоўчых вынікаў». Савіных сцвярджае, што гэты тэзіс цалкам прызнаюць заходнія акадэмічныя колы, але «замоўчваюць або зашумліваюць заходнія палітыкі».
Адначасова Савіных у чарговы раз абрынуўся з рэзкай крытыкай на Польшчу і Швецыю — краіны, якія прыдумалі «Усходняе партнёрства» і шмат у чым вызначаюць палітыку ЕС ва Усходняй Еўропе.Швецыя папала пад раздачу за раскідванне над Мінскам плюшавых мядзведзікаў з заклікамі да свабоды. А Польшча — за палітыку, якая фармуе «неспрыяльны клімат» у двухбаковых адносінах.
Цяпер чытаюць
Арыштаваны 75‑гадовы Зміцер Санько — ветэран-выдавец1
Каментары