Людзі, якія лячыліся або лечацца ад раку, і маюць хранічную стомленасць, выкліканую наступствамі хваробы і лячэння, могуць павысіць сваю энергію з дапамогай рэгулярнай хадзьбы або язды на ровары.
Такую навіну прынесла агенцтва Reuters са спасылкай на вынікі 38 клінічных эксперымэнтаў, у якіх бралі ўдзел агулам больш за 2600 хворых.
Доўгатэрміновае пачуццё стомленасці ў анкалагічных хворых можа быць выклікана як самой хваробай і звязанымі зь ёй працяглымі болямі, так і наступствамі хіміятэрапіі. Ранейшыя дасьледаванні сведчылі, што ў такой ситуацыі могуць дапамагчы збалансаванае харчаванне і акупунктура.
Аднак вынікі новых эксперымэнтаў паказваюць, што ёсць і іншыя дзейсныя сродкі. Іх выгода ў тым, што хворыя могуць звяртацца да іх ў вольны час.
Адна з аўтараў даследавання, доктар Фіёна Крамп з Універсітэта Заходняй Англіі ў Брысталі, паведаміла што ўдзел у эксперыменце бралі розныя хворыя, але пераважалі жанчыны з ракам малочнай залозы. Фізічная актыўнасць, якую прапаноўвалі ўдзельнікам эксперымента, варыявалася ад хадзьбы і язды на ровары, да больш сур’ёзных фізічных нагрузак і ёгі. Частата нагрузак таксама была рознаю — ад двух разоў на тыдзень да штодзённых трэніровак. Час нагрузкі — ад 10 хвілін да дзвюх гадзін.
Калі вынікі эксперымента былі падсумаваныя, аказалася, што найлепшыя вынікі мелі тыя хворыя, якія рэгулярна хадзілі або ездзілі на ровары. Менавіта яны адчулі, што ў целе ім прыбавілася энергіі і сілы.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары