Былы прэзыдэнт Польшчы Аляксандар Квасьнеўскі заклікаў Эўрапейскі зьвяз выпрацаваць «асобную і больш канкрэтную палітыку» у дачыненьні да сваіх усходніх суседзяў, беручы пад увагу сытуацыю ў Беларусі. У часе канфэрэнцыі «Эўразьвяз і праблемы блізкага суседзтва», якую арганізавала фундацыя Аляксандра Квасьнеўскага «Сябры Эўропы», былы прэзыдэнт Польшчы заявіў, што аб’яднаная Эўропа патрабуе «эфэктыўнай палітыкі» у дачыненьні да сваіх суседзяў.
«Я хацеў бы, каб Эўразьвяз спрыяў дыялёгу ў Беларусі, які прывёў бы да дэмакратычных пераменаў у гэтай краіне. Цяпер мы маем сытуацыю, калі Беларусь усё мацней ізалюе сябе ў Эўропе, у той час, як кантынэнт наадварот — інтэгруецца», — адзначыў Квасьнеўскі.
Паводле ягоных словаў, адсутнасьць такой супольнай палітыкі ў дачыненьні да дзяржаваў Усходняй Эўропы «можа прывесьці да нэгатыўных наступстваў і запавольваньня рэформаў».
Квасьнеўскі падкрэсьліў, што ён «занепакоены апошнімі падзеямі ва Ўкраіне», а палітыка Расеі ў дачыненьні да краінаў Цэнтральнай і Ўсходняй Эўропы «выклікае сур’ёзную занепакоенасьць, ёсьць памылковай і небясьпечнай», бо нагадвае «старыя часы — сфэры ўплыву і моцны націск на партнэраў».
-
Аўстрыя адмовілася выдаць ЗША ўкраінскага алігарха праз беларускі дыпламатычны імунітэт
-
Палітык, які не браў удзелу ў выбарах, шматразова суджаны. Што вядома пра літоўца з прапагандысцкіх перадач БТ
-
Караль Наўроцкі наклаў вета на атрыманне крэдыту для мадэрнізацыі польскай арміі. Ва ўрадзе незадаволеныя
Каментары