«Hety stohn u nas pieśniaj zaviecca»: Redfu pakłaŭ stohny Azaranki na muzyku
Tenisistka śvietu № 1 ciapier zmahajecca za pieramohu na Adkrytym čempijanacie Aŭstralii. A jaje novy bojfrend zaniaty muzyčnaj apracoŭkaj jaje stohnaŭ. Viktoryja Azaranka viadomaja hučnymi vydychami, što supravadžajuć kožny smeš. Prykładna takimi: «Aaaaooooŭŭŭŭ».
A Redfu viadomy svaim šalonym repam.
Azaranku nie raz bačyli z Redfu apošnim časam. Pajšła pahałoska pra ich raman. Tenisistka nie strymlivaje siabie ŭ miłych słovach na adras śpievaka, syna bahataha muzyčnaha pradziusara z Motown Records.
A repier Redfu (na łacincy: Redfoo) raspracoŭvaje muzyčny patencyjał stohnaŭ. Jon zapisaŭ ich i jany nieŭzabavie źjaviacca ŭ novaj pieśni, paviedamiła Azaranka.
«Ja nie śpiavaju ŭ joj. Tam prosta maje vyhuki, — rastłumačyła jana žurnalistam na «Aŭstralijan Oŭpen», paviedamlaje msn.foxsports.com. — Ja ž nie śpiecyjalna biaru vysokija ci nizkija noty. Heta prosta ad pryrody idzie».
Azaranka zaŭždy słuchaje muzyku, kali nastrojvajecca na matč. Pierad paniadziełkavym pajadynkam u jaje ŭ słuchaŭkach hučaŭ jašče nie vypuščany remiks ad Hunroka, adnaho ź siabroŭ Redfu.
«Kab dobra syhrać, treba nastroicca dobraj muzykaj, — skazała jana na paślamatčavaj pres-kanfierencyi. — Muzyka — heta važnaja častka pieradmatčavaj padrychtoŭki. Jana dapamahaje sfakusavać uvahu, razvarušyć nohi, uzbudzicca. Typu jak u pravilny siektar trapić».
«Ja zaŭsiody budu tenisistkaj emacyjnaj», — pryznajecca Azaranka. «Taki ŭžo ŭ mianie tempieramient».
Kamientary