Mierkavańni2424

Viktar Marcinovič: Ci varta kapirajtaru čytać Kupału?

Ja chaču vam raskazać pra brend, jaki mianie ŭraziŭ. «Nacyjanalny pradukt Biełarusi», napisana na im. A nižej paznačana: «Za ludskaść i kachańnie». Brend harełačna-nastoječny, ale nie, nie ŭhadali! Heta nie «Bulbaš».

Na etykietcy vyjaŭleny piejzaž z dalahladam standartnaha biełaruskaha haradka. Na pieršym płanie — pa-staraśviecku apranutaja paračka. La ich — dreva, za imi — mastok. Nazva — bdyšč (fanfary!) — harełka «Tutejšaja»! Na litary «j» — sałamiany mužčynski kapialuš kštałtu taho, u jakim vyjaŭleny «mužyk-biełarus» na etykietcy «Bulbaša».

Harełka «Tutejšaja» — heta treci, kančatkovy, krok evalucyi biełaruskich brendaŭ. Krok, samy cikavy dla kulturałahičnaha analizu.

Pieršym krokambyła kaša «Suvoraŭskaja» — śvitanak kreatyŭnaści, rossyp fejspałmaŭ, poŭny kapiec.

«Suvoraŭskaja» ŭžo stała karykaturaj na siabie, jaje imia nosić pahardlivaja anty-naminacyja konkursu «Adnak». Ale takich brendaŭ, jakija z asałodaj upisvajuć biełaruskaje spažyvańnie ŭ kanteksty padručnika pa historyi impierskaj Rasii 19-ha stahodździa, — ceły puk! Zhadajma, naprykład, kampaniju «Zapadnaja hubiernija», jakaja zajmajecca pasažyrskimi pieravozkami. «Zapadnaja hubiernija zaŭsiody rada vam» — kažacca ŭ vitalnym słovie na jaje internet-staroncy. Kab padkreślić patrebnaje hučańnie, «Zapadnaja  hubiernija» napisana hetkim bylinnym słavikam, ad jakoha čałavieka, chacia b trochi znajomaha z kryvavaj historyjaj vyraza «Zapadnaja hubiernija», ciahnie začytać uładalnikam kampanii lekcyju pa historyi 17-19 stahodździaŭ.

Darečy, pa maim pryvatnym adčuvańni, pisać nazvy brendaŭ carkoŭnym słavikam u Biełarusi — toje samaje, što stvarać ich «hatyčnym šryftam», jaki karystaŭsia vialikaj papularnaściu ŭ Trecim rejchu.

Druhim krokam evalucyi biełaruskich brendaŭ stała źjaŭleńnie cikaŭnaści da identyčnaści i sproba jaje niejak vyznačyć. U hetym sensie kaša «Suvoraŭskaja» i «Zapadnaja hubiernija» pracavali ŭ miežach ruskaha kosmasu.

Źjaŭleńnie «Bulbaša» adkryła novuju staronku — staronku lichamankavych sprobaŭ siabie niejak vyznačyć i nazvać. Niehłybokaje viedańnie historyi, chraničnaja nienačytanaść, pryvodziła da takich voś mutanckich nazvaŭ, jak harełka «Bulbaš» ci pielmieni «Vkus bulbaša».

Darečy, u mianie jość dla vas dobraja navina. Paśla taho, jak u 2010-2011 hadach ź pielmieniaŭ «Vkus bulbaša» prairžałasia ŭsio sieciva, jany źmianili nazvu! Ciapier jany nazyvajucca «Vkus ad bulbaša». Heta značyć adnu pryncypovuju reč. Toje, što kryejtaram i kapirajtaram, jakija stvaryli hety cud, soramna. Značyć, jany razumiejuć, chaj sabie i paśla vialikaj chvali, što prajšła pa siecivie, što nazyvać suajčyńnikaŭ hreblivaj mianuškaj, a potym jašče zapuskać brend, jaki prapanuje pačastavać smak hetych samych suajčyńnikaŭ — sprava nie nadta hodnaja.

Ciapier vierniemsia da treciaha kroku nacyjanalnaha brend-biłdzinha. Biełaruś užo nie źmiaščajuć u tapanimiku ruskaha kosmasu. Biełarusaŭ užo nie abražajuć idejaj pabudovy na kostkach prodkaŭ zabaŭlalnaha centra sa źnievažalnaj dla nacyi nazvaj (daśviedčanyja krynicy šepčuć, što «Bulbaš-choła» nie budzie, a budzie inšaja nazva). Bolej za toje, jość sproba sabie aznačyć niejak u miežach nacyjanalnaha śvietu.

Biarecca Kupała. Biarecca biedny Janka Kupała! Pryhadvajecca, što jon tam nakarebaŭ. I paŭstaje brend, jaki dla bolšaści vyhladaje vielmi prystojna.

«Tutejšyja» — heta ž naš Kupałaŭski teatr, chaj sabie ŭ Kupałaŭskim pjesu i zabaranili! Ale, viedajecie, zastajecca vialikaje pytańnie. Pytańnie takoje: ci čytali brend-mieniedžary i kapirajtary\nejmiery, jakija zababachali nastojku «Tutejšaja», adnajmiennuju pjesu Janki Kupały?

Patłumaču. Voś byŭ u 18 stahodździ ŭ Irłandyi svoj Kupała. Jaho zvali Džonatan Śvift. Moža być, navat aŭtary brenda «Tutejšaja» niešta čuli pra tvory Śvifta? Ale razmova nie pra heta. Razmova pra toje, što ŭ 1729 hodzie ŭ Irłandyi adbyŭsia vialiki nieŭradžaj, a praź jaho — hoład. A Irłandyja była, jak i niekali «paŭnočna-zachodniaja hubiernija» Biełaruś, kałonijaj Anhlii. I Anhlija ničoha nie zrabiła, kab dapamahčy ludziam Irłandyi. A Śvift — takaja ž niespadziavanka, — byŭ śviatarom i humanistam. I ŭvieś čas sprabavaŭ damahčysia niezaležnaści Irłandyi ad Anhlii. I voś u 1729 jon napisaŭ pamflet «Ścipłaja prapanova, što stavić metu nie dapuścić, kab dzietki biedniakoŭ u Irłandyi byli ciažaram dla svaich baćkoŭ i, naadvarot, jak zrabić ich karysnymi dla hramadstva».

U hetym pamflecie śviatar i humanist Śvift vysoŭvaŭ ideju vyrašyć prablemu hoładu ŭ Irłandyi prostym i vytančanym šlacham: užyvańniem usich dziaciej “u pišču”. U pamflecie sa smakam apaviadałasia, jaki heta dobry pradukt — niemaŭla, pryhatavanaje ŭ smažanym ci varanym vyhladzie. «Ja nie sumniajusia, što jon taksama vydatna pojdzie na frykase ci rahu», — dadavaŭ śviatar i humanist Śvift.

Rastłumaču — admysłova dla brend-mieniedžaraŭ, jakija zaćvierdzili nazvu nastojki «Tutejšaja», a taksama kapirajtaraŭ i nejmieraŭ, jakija jaje prydumali. U dadzienym vypadku Džonatan Śvift karystaŭsia takim instrumientam, jak sarkazm. I, kaniečnie ž, jon, humanist i śviatar, rabiŭ heta dla taho, kab ułady Anhlii źviarnuli ŭvahu na haleču ŭ Irłandyi i dapamahli ludziam. A nie dla taho, kab irłandcy sapraŭdy pačynali jeści ŭłasnych dziaciej.

Dyk voś, takim ža sarkazmam prasiaknuty i tvor «Tutejšyja» Janki našaha Kupały. «Tutejšyja» — heta hreblivaja mianuška ludziej, jakija nie razumiejuć, dzie jany žyvuć. Jakija majuć svaju ziamlu, ale adčuvajuć sabie chto palakami, chto ruskimi.

Nazyvać harełku «Tutejšaj» dy dadavać «Nacyjanalny pradukt Biełarusi» — heta toje samaje, što ŭ Dublinie vypuskać pielmieni «Smak irłandskaha niemaŭlaci» i plaskać na ich łahatyp partret śviatara i humanista Śvifta.

Chacia tradycyja samajadzieńnia, miarkujučy sa zhadanaha brenda ad «Bulbaša», vielmi raźvitaja na našaj prastory.

A samy hałoŭny prykoł ŭ tym, što bolšaść biełarusaŭ absalutna ščaśliva karystajucca maršrutkami «hubiernii», pjuć «Bulbaš», jaduć «Bulbaš» i kłaści chacieli na našyja intelihienckija jenki.

Spažyŭcy nijakaj trochkrokavaj evalucyi  nie prachodzili. Jany buduć uzdychać na Kupału, ale pić harełku, jakaja śmiajecca nad idejami Kupały i bolem Kupały.

I voś u hałavie nudzicca niekalki pytańniečkaŭ: i čamu ja nie taki? Čamu niekali pračytaŭ knižki dziadźki Janki? Čamu nie mahu być ščaślivym, pobač sa snułaj nacyjaj? Viedy — heta ščaście ci praklon? I čamu adnojčy pračytaŭšy pra toje, što rabiŭ tut Suvoraŭ ci Piotr, nikoli ŭžo nie budzieš zdolnym najeścisia «kašaj Suvoraŭskaj»? Čamu historyja naša — heta niespakoj?

Dyk moža lepiej nejmieram i kapirajtaram trymacca dalej ad nacyjanalnaha? Ci pačytać Kupału?

 

Kamientary24

Ciapier čytajuć

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka14

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka

Usie naviny →
Usie naviny

Pavieł Biełavus raskazaŭ, jak za kratami daviedaŭsia pra Nobieleŭskuju premiju Bialackaha

Na froncie znajšli zahinułym 25‑hadovaha biełarusa z pazyŭnym «Dekan»6

Rasija rekordnymi tempami pradaje zołata, a Polšča za apošnija hady kupiła jaho najbolš za ŭsich u Jeŭropie10

Zasnavalnik partała Realt.by pradaje dom za $3 miljony9

Jak vyhladaje elitny kłubny kvartał nulavych u Minsku2

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie28

U Minsku daterminova zakryli animalistyčnuju vystavu. Pryčyna moža być u asobnych mastakach1

GTA 6 za adzin dzień pabiła rekordy ŭsich časoŭ10

BATE apuściŭsia na pieradapošniaje miesca ŭ čempijanacie i moža ŭ nastupnuju subotu vylecieć z vyšejšaj lihi6

bolš čytanych navin
bolš łajkanych navin

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka14

Čamu biełarusy mała kuplajuć knihi pa-biełarusku? Andrej Januškievič — pra tysiačy knih na składzie, pravał Kinha i pierśpiektyvy bijahrafii Paźniaka

Hałoŭnaje
Usie naviny →

Zaŭvaha:

 

 

 

 

Zakryć Paviedamić