Piać novych elektrobusaŭ vytvorčaści «Biełkamunmaš» płanujuć vyvieści na maršruty ŭžo hetaj zimoj. Pieršy dośledny ŭzor, zdolny prajazdžać da 500 kiłamietraŭ za sutki, užo vyrableny i ciapier prachodzić vyprabavańni, paviedamlaje Times.by.

Fota: Times.by
Mašyny buduć mieć dva sposaby siłkavańnia. Pavolnaje načnoje siłkavańnie dazvolić prajechać da 250 kiłamietraŭ na adnym zaradzie. Druhi sposab — zvyšchutkaje siłkavańnie padčas źmieny kiroŭcaŭ.
Novyja elektrobusy vyprabujuć na maršrutach ź Minska ŭ Fanipal i Smalavičy. Kali testy projduć paśpiachova, na hetych kirunkach buduć pracavać vyklučna elektrobusy.
U pierśpiektyvie płanujecca zapuścić 20 takich mašyn pamiž Minskam i Smalavičami, a jašče 15 — pamiž stalicaj i Fanipalem.
Kamientary