U Vilejskim rajonie Minskaj vobłaści pavodle padazreńnia ŭ nielehalnym promyśle zatrymanaja hrupa palaŭničych-minčukoŭ. Mužčyny viartalisia z palavańnia na ptušak, kali ich aŭtamabil spynili dla pravierki supracoŭniki Minskaj abłasnoj inśpiekcyi achovy žyviolnaha i raślinnaha śvietu. U sałonie jany znajšli tušku padstrelenaj vušataj savy.
Jak paviedamlaje Dziaržaŭnaja inśpiekcyja pa achovie žyviolnaha i raślinnaha śvietu, kiroŭca rastłumačyŭ, što padstreliŭ savu nibyta pamyłkova, pierabłytaŭšy jaje z kačkaj. Vidavočna, stralaŭ pa niajasna bačnaj celi, što ŭžo źjaŭlajecca parušeńniem. Za redkuju ptušku sa śpisa SITIES, abvieščanuju ŭ Biełarusi ptuškaj hoda, jamu daviadziecca kampiensavać škodu — 31,5 młn rubloŭ.
U dziejańniach palaŭničych dziaržinśpiektary ŭbačyli prykmiety i inšych parušeńniaŭ. Aprača svajoj zbroi, u aŭtamabili jany pieravozili strelbu, što naležyć pabočnaj asobie. Bolšaść znojdzienych patronaŭ byli zaražanyja karciečču i kulami, chacia pry palavańni na dzikich ptušak dazvoleny vyklučna šrot.
Jašče bolšyja padazreńni vyklikaŭ źniešni vyhlad adnaho z zatrymanych: na rukach mužčyny byli buryja plamy, jak miarkujecca, kroŭ, a na adzieńni — kavałački šerści. Adzieńnie i nož palaŭničaha, a taksama zmyvy ź jaho ruk adpraŭlenyja na ekśpiertyzu.
U pracesie razboru da miesca spynieńnia aŭtamabila nabliziłasia inšaja mašyna. Jak tolki dziaržinśpiektary nakiravalisia ŭ jaje bok, kiroŭca zrabiŭ rezki pavarot i chutka pajechaŭ.
Akaličnaści spravy rasśleduje Vilejski RAUS. Vyrašajecca pytańnie ab raspačynańni dźviuch kryminalnych spraŭ za niezakonnaje palavańnie.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje2
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1010
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć10
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary