Staršynia Biełstata Ina Miadźviedzieva: Vielmi lublu «Formułu-1» i navat jeździła na niekalki etapaŭ
Staršynia Biełstata Ina Miadźviedzieva stała hościem prahramy «Bujnym płanam» na telekanale «Biełaruś-1».
Siarod inšaha, hałoŭny statystyk krainy raskazała pra svaje zachapleńni: futboł i honki «Formuły-1».
«Ja sama nie kiruju aŭtamabilem, ale vielmi lublu «Formułu-1» i saču za jaje etapami. Na niekalkich navat prysutničała, — pryznałasia Miadźviedzieva. — Što zachoplivaje? Pačynajučy ad rovu matoraŭ da abhonaŭ, usio heta hladzicca na adnym dychańni».
Staršynia Biełstata patłumačyła, što pryjšła da «Formuły-1» praz asobu Michaela Šumachiera.
Što da zachapleńnia futbołam, hety intares pieradaŭsia Miadźviedzievaj ad baćki.
«Ja zaŭsiody naviedvała matčy zbornaj Biełarusi i niejak, sustreŭšy Anatola Kapskaha, zrazumieła, što treba zaŭzieć i za BATE», — raskazała jana i ŭdakładniła, što nie ŭmieje zaŭzieć cicha.
«Jana viedaje ŭsich našych futbalistaŭ. I jany taksama jaje viedajuć! Moža, nie viedajuć, kim jana pracuje, ale zaŭsiody ź joj adkrytyja i dobrazyčlivyja», — prakamientavaŭ kiraŭnik BATE Anatol Kapski.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»2
Kamientary