Top-5 filmaŭ na tabujavanyja temy, jakija varta pahladzieć na kinafiestyvali «Paŭnočnaje źziańnie»
4-ty fiestyval kino Paŭnočnych i Bałtyjskich krain «Paŭnočnaje źziańnie», jaki projdzie ŭ Minsku z 19 pa 26 krasavika ŭ kinateatry «Mir», sioleta robić fokus na filmach, bolšaść z katorych «žanočyja». Heta toje kino, jakoje stvarajuć žančyny i čaściakom mienavita dziela žančyn. My vybrali 5 stužak i adnu dyskusiju, na jakija vielmi raim schadzić dziaŭčatam, kab parefleksavać na tabujavanyja ŭ hramadstvie temy.
Byłaja žonka
Režysiorka Kacia Vik
Stužka raspaviadaje satyryčnuju historyju čałaviečych uzajemaadnosin — ad zakachanaści da razvodu.
Čym jana krutaja?
Pa-pieršaje, heta debiutny film Kaci Vik u jakasci režysiorki. Jana doŭhi čas pracavała jak kastynh-dyrektarka i pradziusarka z uładalnikami Kanskaj Palmavaj halinki — Rojam Andersanam («Hołub siadzieŭ na halincy, razvažajučy pra žyćcio») i Rubenam Estłundam («Fors-mažor»).
Pa-druhoje, film budzie karysny ŭsim tym dziaŭčynkam, jakim ź dziacinstva zakładajuć u hałavu kazku pra prynca, za jakoha pažadana vyjści zamuž u 20, a tolki potym aznajomicca sa statystykaj razvodaŭ, jakich u našaj krainie amal 500 na 1000 šlubaŭ.
Žachlivaja žančyna
Režysior Kryscijan Tafdrup
My pryzvyčailisia, što časta daminantam u hieteraseksualnych adnosinach vystupaje mužčyna. Ale heta nie zaŭsiody tak. I historyja hetaha filma jakraz pra heta «nie zaŭsiody».
Mary — manipulatarka, jakaja chitrym čynam padparadkoŭvaje žyćcio svajho chłopca Rasmusa i avałodvaje jaho rozumam i ŭłasnaj prastoraj. A jon dumaŭ, što heta kachańnie — na ŭsio žyćcio…
Silvana
Režysiory: Alivija Kastebrynh, Mika Hustafsan, Kryścina Cyubanelis.
Dakumientalnaja stužka «Silvana» rasskazvaje pra hałoŭnuju šviedskuju chip-chop-zorku i ikonu fieminizmu Silvanu Imam, jakaja adkryta zajaŭlaje pra svaje homaseksualnyja adnosiny. Žančyna vystupaje suprać usich formaŭ pryhniotu i hvałtu, uvasablajučy saboj hołas novaha pakaleńnia. Padabajecca vam albo nie, ale jaho hołas pavinien być pačuty. A ŭ hetym vypadku — ubačany.
Zahadka majoj maci
Režysiorka Ijeva Ozalina
Heta vielmi emacyjny film, jaki raspaviadaje pra adnosiny maci i pcichałahična suzaležnaha ad jaje syna. Stužka pakazvaje, što takoha nie pavinna być u zdarovaj siamji. Žudasnaja i pavučalnaja historyja. Vielmi rekamiendujem da prahladu ŭsim mamam chłopčykaŭ.
Revalucyja konikaŭ
Režysiorka Selma Viłchunen
Usie my ź dziacinstva majem chobi: chtości chodzić na hurtok pa śpievach, niechta tančyć, a inšy, jak dziaŭčynki ź Finlandyi, prydumlaje zusim novy vid sportu — katańnie na cacačnych koniach. Tak, vam nie padałosia.
«Revalucyja konikaŭ» — novy pohlad na maładych dziaŭčat-padletkaŭ, jakija pieratvaryli svoj zapał u instrumient pašyreńnia mahčymaściaŭ i stvaryli supolnaść, jakaja niešta značyć u hetym śviecie. Dziakujučy svajoj pierakananaści, lubovi i revalucyjnaści, try dziaŭčynki Aisku, Elza i Alisa, zaprašajuć usich prysłuchacca da ŭłasnych, unutranych cacačnych konikaŭ.
Bonus
Pa-za spickam znachodzicca karcina «Vieniera», zasnavanaja na eratyčnych uspaminach i razvažańniach realnych žančyn.
Tak, havorka pojdzie pra seks i farmiravańnie ŭłasnych žadańniaŭ. Paśla prahladu dackaha dakumientalnaha filma u 20:15 adbudziecca dyskusija «Biezabaronnaja» Vieniera? Razmova pra farmiravańnie našych žadańniaŭ». U dyskusii voźmuć udzieł zasnavalnica prajekta «Hiendarny maršrut» Iryna Sałamacina, paetka Volha Hapiejeva, pradziusarka filma «Vieniera» Kirstyn Barfod, dyrektarka «Paŭnočnaha źziańnia» Vola Čajkoŭskaja, a taksama zasnavalnica šou-ruma skandynaŭskaj mebli «Moonlightaroom» Śviatłana Kalada.
Na praciahu ŭsiaho fiestyvalu taksama adbudziecca šmat adukacyjnych lekcyj, majstar-kłasaŭ ad viadomych kiniematahrafistaŭ i inšych karysnych mierapryjemstvaŭ. Bolš padrabiaznaja infarmacyja znachodzicca tut.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ41
Kamientary