Vice-premjer Pietryšenka pryznaŭ, što ŭ dziaržaŭnych ŚMI prablemy z davieram čytača. A voś «inšyja krynicy» znojduć, čym jaho zacikavić
Namieśnik premjer-ministra Biełarusi Ihar Pietryšenka na vynikovaj kalehii Ministerstva infarmacyi skazaŭ, što dziaržaŭnyja vydańni pavinny nie tolki prasoŭvać stanoŭčy kantent, ale taksama abjektyŭna aśviatlać aktualnyja pytańni žyćciadziejnaści nasielnictva, piša ahienctva «Minsk-Naviny».
Pietryšenka adznačyŭ, što siońnia samy važny kapitał dla luboha ŚMI — davier čytača.
«Ale jak zmoža ŭtrymać aŭdytoryju dziaržaŭnaje vydańnie, kali jano budzie abychodzić vostryja kuty, paźbiahać krytyčnych tem, niazručnych u tym liku i dla miascovych uładaŭ, nie čuć zapyty svajoj aŭdytoryi?» - zapytaŭsia vice-premjer i dadaŭ:
«Dziaržaŭnaja presa pavinna nie tolki prasoŭvać stanoŭčy kantent, ale i abjektyŭna aśviatlać usie aktualnyja pytańni žyćciadziejnaści nasielnictva».
Praŭda, u sučasnaj dziaržpresy z hetym składanaści:
«Hazieta nie pavinna być doškaj pašany. Ale, na žal, siońnia, čytajučy pieryjodyku, takija materyjały nie časta sustrenieš na staronkach dziaržaŭnych ŚMI. Ihnaravańnie prablem, jakija chvalujuć ludziej, vyklikaje niedavier da dadzienaha ŚMI i, takim čynam, sychod da inšaj krynicy infarmacyi».
Inšyja ž krynicy tolki i radyja hetym skarystacca:
«A tam, vy heta i sami viedajecie, znojduć, čym zacikavić svajho čytača».
I, maŭlaŭ, adsutnaść u redakcyi aŭtarytetu zvodzić na ništo «ŭsie namahańni pa vybudoŭvańni pracy» takoha vydańnia. Asabliva kali treba vieści prapahandu napiaredadni refierendumu.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary