Šrajbman prapanavaŭ apazicyi, što možna rabić ź biuleteniami na vybarach-2025
«Kali pisać na biuleteniach proźviščy palitźniavolenych, členy kamisij zhadajuć ab hetaj prablemie».
![](http://nashaniva.com/img/w840d4webp1/photos/stock/shrajbman_6-bko1v.jpg.webp)
Palitołah Arciom Šrajbman prapanavaŭ adnu z mahčymych stratehij mabilizacyi na prezidenckija vybary — 2025. Zajavu jon zrabiŭ padčas dyskusii na fiestyvali «Tutaka».
Centralnaj temaj scenaryja palityčnaj mabilizacyi, na dumku Šrajbmana, pavinna stać tema palitźniavolenych. Jon prapanuje pisać u vybarčych biuleteniach proźviščy palitviaźniaŭ.
«My ŭsie razumiejem, što hety palityčny zapał nie pieražyvie nastupny dzień paśla vybaraŭ. To chacia b ludzi, jakija ŭ hetym udzielničali, i členy kamisij, jakija buduć adkryvać hetyja biuleteni, zhadajuć ab hetaj prablemie. Mižnarodnaja supolnaść zhadaje pra jaje, Łukašenku jašče raz nahadajuć pra jaje. Mienavita takija napaminy pryvodziać da niejkich abmiežavanych sastupak. Tamu ŭ hetym ja baču adziny kanstruktyŭny patencyjał mabilizacyi».
Kamientary