Milinkievič: Palityka Jeŭrasajuza nie pamyłkovaja, ale nieefiektyŭnaja
Alaksandr Milinkievič adkazaŭ Andreju Sańnikavu.
Lider Ruchu «Za Svabodu» Alaksandr Milinkievič adkazaŭ Andreju Sańnikavu nakont taho, što stratehija Jeŭrasajuzu ŭ dačynieńni Biełarusi źjaŭlajecca pamyłkovaj.
«Palityka Jeŭrasajuza nie pamyłkovaja, ale nieefiektyŭnaja. Pakul ja nie baču alternatyvy dyjałohu. Što možna prapanavać zamiest jaho? Vybudoŭvańnie novaha Bierlinskaha mura vakoł Biełarusi — heta źniščeńnie biełaruskaj niezaležnaści.Treba šukać novyja bolš efiektyŭnyja mietady supracy», — kaža A.Milinkievič.
«Ułada nie budzie zmahacca za niezaležnaść. Jana budzie zmahacca tolki za svaju ŭładu. Ciapier, mahčyma, nie takaja vialikaja pahroza straty niezaležnaści palityčnaj, ale jość pahroza straty niezaležnaści ekanamičnaj. A nie majučy ekanamičnaj biaśpieki nie budzie niezaležnaści palityčnaj, nie budzie pravoŭ čałavieka, biełaruskaj movy», — skazaŭ palityk.
Kamientary