Usiaho patrochu

U žanočych prybiralniach Kitaja źjaŭlajucca pisuary. Navošta?

U Kitai ŭžo niekalki dziesiacihodździaŭ sprabujuć ukaranić žanočyja pisuary. Jany dazvalajuć mačycca stojačy, ekanomić vadu i nie dakranacca da ŭnitaza. Adnak niezvyčajnaja ideja dahetul vyklikaje sprečki, piša New York Post.

Pisuar i prystasavańnie ŭ vyhladzie varonki. Skryn videa: jiemian.com

U pačatku listapada ŭ internecie stała papularnym videa z žanočaj prybiralni handlovaha centra JD Mall u horadzie Usi na ŭschodzie Kitaja. Na im bačnyja niekalki jarka-ružovych pisuaraŭ, ustalavanych uzdoŭž ściany. Pobač lažać adnarazovyja prystasavańni ŭ formie varonki, jakija dazvalajuć žančynam mačycca stojačy.

Naviedvalnica, jakaja źniała videa, raskazała, što spačatku jany ź siabroŭkami padumali, nibyta ŭ žanočuju prybiralniu pačali puskać mužčyn. Tolki zaŭvažyŭšy adnarazovyja varonki, jany zrazumieli pryznačeńnie niezvyčajnaha abstalavańnia.

Prychilniki žanočych pisuaraŭ śćviardžajuć, što jany dapamahajuć skaracić čerhi ŭ hramadskich prybiralniach i ekanomić vadu. Akramia taho, žančynam nie treba dakranacca da siadzieńnia ŭnitaza. Takija prystasavańni mohuć być asabliva zručnymi dla ciažarnych, pažyłych žančyn i tych, kamu ciažka prysiadać praz prablemy z sustavami.

Adnak u sacsietkach videa vyklikała nie tolki ździŭleńnie, ale i skiepsis. Niekatoryja karystalnicy sumniavalisia, nakolki zručna karystacca takim pisuaram u štanach i jak zabiaśpiečyć pryvatnaść.

Pisuary ŭ žanočaj prybiralni handlovaha centra JD Mall u horadzie Usi. Skryn videa: jiemian.com

Idei ŭžo niekalki dziesiacihodździaŭ

Pieršyja sproby ŭkaranić žanočyja pisuary ŭ Kitai pačalisia jašče ŭ 1990‑ia hady dziakujučy inžyniercy Je Hańliń. Praz zachvorvańnie pazvanočnika joj było baluča prysiadać, tamu jana raspracavała prystasavańnie, jakoje dazvalała žančynam mačycca stojačy.

U 2004 hodzie jana za ŭłasnyja hrošy stvaryła pieranosnyja pisuary, jakija ŭstaloŭvali ŭ ludnych miescach haradoŭ Siań i Siańjan. Pobač biaspłatna razdavali adnarazovyja varonki, kab žančyny mahli karystacca imi stojačy.

U 2010 hodzie šeść žanočych pisuaraŭ ustalavali ŭ Šeńsijskim piedahahičnym univiersitecie. Inicyjatyvu tłumačyli žadańniem ekanomić vadu. Studentki padtrymali hetuju ideju, choć i pryznavali, što da niezvyčajnaha sposabu naviedvańnia prybiralni treba pryzvyčaicca.

Kamientary

Ciapier čytajuć

Vid na Kałožskuju carkvu bieznadziejna sapsavany41

Vid na Kałožskuju carkvu bieznadziejna sapsavany

Usie naviny →
Usie naviny

Kiraŭnik MZS Litvy prakamientavaŭ mahčymaść źmiakčeńnia sankcyj suprać Biełarusi i jaje rolu ŭ mirnych pieramovach6

Hihancki fantan pracavaŭ siońnia ranicaj u Minsku

Pamierła Hanna Sadoŭskaja — dziajačka polskaj supolnaści ŭ Vaŭkavysku1

«Lik idzie na chviliny, a svajaki pavinny biehać pa vulicy i šukać mužčyn». Ci pavinna chutkaja dapamoha vynosić pacyjenta z kvatery?13

«Pad kanvojem vyvieźli nas ź miažy». Rasijskaja błohierka raskazała pra zatrymańnie muža na biełaruskaj miažy praz padpisku5

Pamior 87‑hadovy turecki miljarder, ułaśnik minskaj Crowne Plaza. Ale hrošaj nie pakinuŭ ni žoncy-biełaruscy, ni čatyrom dzieciam62

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim1

Ź ciahnika zblizku źniali na videa razburanuju častku Krymskaha mosta8

U centry Minska na moście 21‑hadovy pierakuliŭsia na BMW. Momant trapiŭ na videa2

bolš čytanych navin
bolš łajkanych navin

Vid na Kałožskuju carkvu bieznadziejna sapsavany41

Vid na Kałožskuju carkvu bieznadziejna sapsavany

Hałoŭnaje
Usie naviny →

Zaŭvaha:

 

 

 

 

Zakryć Paviedamić