Śviet11

Ziać Trampa paviedamiŭ, što Pucin zhodny na harantyi Ukrainie pavodle pryncypu piataha artykuła NATA

Pasłańnik prezidenta ZŠA Donalda Trampa i jahony ziać Džared Kušnier na pres-kanfierencyi pa vynikach sustrečy «kaalicyi achvotnych» u Bierlinie zajaviŭ, što Vašynhtonu ŭdałosia pierakanać Kreml pryniać samu kancepcyju harantyj biaśpieki dla Ukrainy, zasnavanych na pryncypie piataha artykuła Paŭnočnaatłantyčnaha dahavora ab kalektyŭnaj abaronie.

Prezident Rasii Uładzimir Pucin. Fota: Vyacheslav Prokofyev, Sputnik, Kremlin Pool Photo via AP

Pavodle słoŭ Kušniera, rasijski bok ciapier hatovy spakojna razhladać takuju madel harantyj. Amierykanski pradstaŭnik źviazaŭ heta z zajavami Maskvy pra toje, što paśla zakančeńnia ciapierašniaj vajny nie pavinna pačacca novaja.

Razam z tym Kušnier pryznaŭ, što ŭ Rasii zachoŭvajucca skieptycyzm i niedavier da hetaj idei. Tamu, na jaho dumku, nieabchodna adnavić dyjałoh pamiž Jeŭropaj i Rasijaj, kab baki mahli abmierkavać umovy budučych harantyj biaśpieki.

Piaty artykuł Paŭnočnaatłantyčnaj damovy praduhledžvaje, što napad na adnaho z členaŭ NATA razhladajecca jak napad na ŭvieś Aljans, a inšyja krainy-ŭdzielnicy abaviazvajucca akazać jamu dapamohu. Pa słovach Kušniera, Donald Tramp nie vyklučaje nadańnia Ukrainie harantyj na takim pryncypie, adnak jany pavinny adpaviadać intaresam ZŠA i stać častkaj bolš šyrokaj damoŭlenaści ŭ śfiery biaśpieki.

Amierykanski pasłańnik taksama padkreśliŭ, što budučyja pahadnieńni pavinny ŭtrymlivać miechanizm kantrolu za vykanańniem abaviazacielstvaŭ i dakładna vyznačać miery reahavańnia ŭ vypadku ich parušeńnia.

Prezident Ukrainy Uładzimir Zialenski paśla bierlinskaj sustrečy nazvaŭ členstva krainy ŭ NATA najlepšaj harantyjaj biaśpieki jak dla samoj Ukrainy, tak i dla ŭsioj Jeŭropy. Jon taksama zaklikaŭ paskoryć ustupleńnie krainy ŭ Jeŭrasajuz.

Prezident Francyi Emanuel Makron prapanavaŭ viarnucca da abmierkavańnia ŭstupleńnia Ukrainy ŭ Paŭnočnaatłantyčny aljans z ulikam maksimalisckich patrabavańniaŭ Kramla. Pavodle jaho słoŭ, spačatku Ukraina pavinna atrymać harantyi biaśpieki, paśla hetaha možna abmiarkoŭvać terytaryjalnyja pytańni i tolki zatym — zaklučeńnie mirnaha pahadnieńnia.

Čakajecca, što nastupny raŭnd pieramoŭ ab zaviaršeńni vajny projdzie z udziełam Ukrainy, Rasii, ZŠA i jeŭrapiejskich krain. Kancler Hiermanii Frydrych Mierc nazvaŭ mahčymym miescam sustrečy Abjadnanyja Arabskija Emiraty, ale kančatkovaje rašeńnie pakul nie pryniataje.

Kamientary1

  • Ziać kumy maminaj siabroŭki
    19.11.2026
    Dypłamatyja XXI stahodździa. Niejki tam ziać niejkaha amierykanskaha kryminalnika (convicted felon) u maraźmie pierakazvaje čutki ad ruskich kryminalnikaŭ pra toje.

Ciapier čytajuć

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał14

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Usie naviny →
Usie naviny

Stendap-komik Ełdos Ałmazaŭ pamior va ŭzroście 29 hadoŭ

U Brazilii ludzi ź izalavanaj hrupy vyjšli ź lesu i paprasili ježy. Heta tryvožny znak VIDEA8

Bialacki: Na čarhovym schodzie «Viasny» składu ź siabie paŭnamoctvy3

Vyzvaleńnie Kurskaj vobłaści kaštavała rasijanam 20 tysiač žyćciaŭ. I heta biez uliku paŭnočnakarejcaŭ

U Varšavie ŭ kvateru biełaruski ŭvarvaŭsia ŭkrainiec, pavaliŭ na padłohu i zabraŭ darahuju sumačku9

Namieśnik kiraŭnika Pientahona raskrytykavaŭ udary Ukrainy pa Rasii i daterminova pakinuŭ «Ramštajn»17

48‑hadovaha aŭtamalara z Haradka asudzili da kałonii. Mierkavana, za kamientaryi ŭ padtrymku Ukrainy1

Stvaralnik Claude pryciahnuŭ rekordnyja 81,3 miljarda dalaraŭ pry vychadzie na biržu

Uładzimir Mackievič: Piensii ŭ Litvie ŭ mianie niama11

bolš čytanych navin
bolš łajkanych navin

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał14

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał

Hałoŭnaje
Usie naviny →

Zaŭvaha:

 

 

 

 

Zakryć Paviedamić