Kiroŭcu mižharodniaha aŭtobusa aštrafavali za toje, što nadta šmat pracavaŭ
Dziaržaŭtainśpiekcyja vyjaviła parušeńnie režymu pracy i adpačynku ŭ 46‑hadovaha kiroŭcy mižharodniaha aŭtobusa Mercedes, jaki vykonvaŭ rejs pa maršrucie Mahiloŭ — Minsk.

Skrynšot ź videa
Padčas kantrolu za darožnym rucham inśpiektary DAI z dapamohaj Respublikanskaj sistemy manitorynhu hramadskaj biaśpieki vyśvietlili, što kiroŭca vyjechaŭ u rejs a treciaj hadzinie nočy, a viarnuŭsia tolki ŭ 19:00. Uvieś hety čas jon znachodziŭsia za rulom, parušyŭšy patrabavańni zakanadaŭstva adnosna praciahłaści pracy i adpačynku.
Mužčynu pryznačyli štraf u pamiery piaci bazavych vieličyniaŭ — 225 biełaruskich rubloŭ. Taksama rasśledujuć dziejańni słužbovych asobaŭ, adkaznych za arhanizacyju pieravozak.
Kamientary