Na internet-aŭkcyjonie źjavilisia mapy Bieraściejščyny, Navahradčyny i Połaččyny 1791 hoda
Na ebay vystaŭleny na prodaž try aryhinalnyja mapy ziamiel Vialikaha Kniastva Litoŭskaha.
Usie jany vydadzienyja Francam Johanam Jozefam fon Rei (Franz Johann Josef von Reilly) u 1791 hodzie. Usie vykanany jak kalarovyja hraviury ź miedzi. Pamier lista: 44,5×28 sm, pamier ilustracyi: 29,5×23,5 sm. Mapy pachodziać z aŭstryjskaha Atłasu piaci častak śvietu (Schauplatz der fünf Theile der Welt), jaki składaŭsia z 830 arkušoŭ tolki adnoj Jeŭropy. Hetak, arkuš Navahradčyna maje № 47, Połaččyna № 48, a Bieraściejščyna i Navahradčyna № 50. Na tym ža aŭkcyjonie pradajecca i mapa Vilenščyny dy Žmudzi.
Košt kožnaj mapy — 105 jeŭra bieź pierasyłu. Za dasyłku pa Jeŭropie zakaznym listom pradaviec choča 6 jeŭra.
Raniej na
Zdajecca, paśla artykuła ŭ NN taja hraviura trapiła ŭ biełaruskija ruki.
U minułym stahodździ Biełaruś tolki rabavali. Vielmi pryjemna, kali ciapier adbyvajecca advarotnaje i staradruki źjaŭlajucca na ścienach našych chat.
Daviedka
Franc Johan Jozef fon Rei (naradziŭsia 18 žniŭnia 1766 ŭ Vienie, pamior 6 lipienia 1820 hoda ŭ Vienie) — aŭstryjski vydaviec, kartohraf i piśmieńnik.
Spačatku jon pracavaŭ na dziaržaŭnaj słužbie, ale potym pryśviaciŭ siabie vyklučna hieahrafii. Z 1789 pa 1806 hod vydavaŭ Atłas ź piaci častak śvietu (Schauplatz der fünf Theile der Welt), ź jakich tolki Jeŭropy 830 arkušaŭ. Paśla vydaŭ školny atłas (1791–92) i atłas ahulnaj hieahrafii, Z 1794 pa 1796 vydaŭ pieršy poŭny aŭstryjski atłas śvietu pad nazvaj Vialiki niamiecki Atłas (Grosser deutscher Atlas). U 1799 hodzie — Hienieralny Paštovy Atłas Śvietu (Allgemeine Post Atlas von der ganzen Welt) pieršy atłas ŭ śviecie ŭ svaim rodzie.
Kamientary