Тэлекампанія НТВ на сваім сайце анансавала паказ з 3 мая шоу «Магія». У прамацыйным роліку паказваецца, што яго кіраўнікамі з'яўляюцца абраны прэзідэнт Украіны Уладзімір Зяленскі, а таксама Таццяна Лазарава. Па сцэнары ўдзельнікі праграмы- зоркі расійскага шоу-бізнэсу - паказваюць розныя фокусы, атрымліваючы майстар-класы ад вядомых ілюзіяністаў.
«Зяленскі заўсёды ведаў толк у фокусах», - гаворыцца ў анонсе перадачы.
Як паведамляе «Камерсант», праграма была запісаная яшчэ ў 2011 годзе для тэлеканала «Расія-1», але ў эфір так і не выйшла. Праграму стварала кампанія «Вайт Медыя», якая рабіла праграмы для тэлеканалаў некалькіх краін Усходняй Еўропы.
Да 2014 года Зяленскі неаднаразова працаваў для праграм, створаных для расійскага тэлебачання. У прыватнасці, ён быў сувядучага праграм «Фактар А» (разам з Філіпам Кіркоравым), расійскай версіі «Рассмяшы коміка» (з Максімам Галкіным), зазначае РБК
Каментары