Па справе аб забойстве Ганны Паліткоўскай арыштаваныя 10 чалавек
«Мы сур’ёзна прасунуліся ў расьсьледаваньні крымінальнай справы па факце забойства журналісткі Палітоўскай», ‑‑ заявіў генпракурор Расеі падчас сустрэчы з прэзыдэнтам Пуціным.
«Мы сур’ёзна прасунуліся ў расьледаваньні крымінальнай справы па факце забойства журналісткі Палітоўскай», ‑‑ сказаў Чайка падчас сустрэчы з прэзыдэнтам Пуціным.
Паводле словаў генпракурора, «на сёньняшні дзень па гэтай справе арыштаваныя 10 чалавек, літаральна ў найбліжэйшы час ім будзе выстаўлена абвінавачаньне ва ўчыненьні гэтага цяжкога злачынства». Журналістка была забіта ў пад’езьдзе свайго дому7 кастрычніка мінулага году.
Між тым, прадстаўнік Маскоўскага гарадзкога суду паведаміла, што Басманны суд расейскай сталіцы санкцыянаваў арышт васьмі падазраваных па справе. У сувязі з гэтым паведамленьнем Пракуратуры рэдакцыя «Новой газеты» пацьвердзіла, што з 15 па 23 жніўня сапраўды былі праведзеныя арышты дзесяці чалавек.
Сярод іх ёсьць члены «буйной этнічнай злачыннай групоўкі, якая спэцыялізуецца на заказных забойствах».
Паводле «Новой газеты», у іх лік уваходзяць супрацоўнікі (былыя і дзейныя) праваахоўных органаў і спэцслужб, што бралі на сябе «заказы» на «апэратыўнае суправаджэньне» забойстваў і іншых злачынных акцый і якія займаліс ўласным бізнэсам: рэкетам.
«Новая газета» праводзіць уласнае журналісцкае расьсьледаваньне забойства Паліткоўскай. У паведамленьні адзначаецца, што прэтэнзій да тых, хто афіцыйна расьсьледуе забойства Палітоўскай, няма.
Галоўны рэдактар Дзьмітрый Муратаў заявіў Інтэрфаксу, што лічыць довады сьледства «надзвычай пераканаўчымі і прафэсійнымі». Рэдакцыя «Новой газеты» робіць выснову, што забойства журналісткі было падрыхтавана скурпулёзна: дзейнічалі прафэсіяналы, якія ўжо мелі досьвед «рашэньня такіх праблем».
Разам з тым, газэта мяркуе, што казаць пра заказчыкаў забойства яшчэ рана. «Вялікая небясьпека перадвыбарчых палітычных спэцапэрацый вакол акалічнасьцяў» забойства, зазначае «Новая газета».
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю12
Каментары