У Мазыры BMW урэзаўся ў сцяну і павіс на агароджы: два чалавекі загінулі — фота
Аварыя адбылася ў ноч з 21 на 22 жніўня.
Дакладна вядома, што загінулі два чалавекі. Яшчэ трое знаходзяцца ў шпіталі ў цяжкім стане, паведамляе AUTO.TUT.BY.
У пачатку пятай раніцы кіроўца аўтамабіля BMW 3-series, рухаючыся з высокай хуткасцю па вуліцы Савецкай у горадзе Мазыр, не справіўся з кіраваннем, машыну занесла направа. Аўтамабіль урэзаўся ў агароджу, затым — у сцяну будынка, пасля чаго машыну выкінула на рэшткі агароджы, — паведамілі AUTO.TUT.BY ў прэс-службе УДАІ УУС Гомельскага аблвыканкама.
У машыне знаходзілася пяць чалавек. Загінулі два пасажыра — дзяўчына і хлопец. Кіроўца і яшчэ двое пасажыраў шпіталізаваны ў цяжкім стане.
На месцы здарэння працуе следча-аператыўная група, там жа знаходзіцца кіраўніцтва ДАІ. Падрабязнасці здарэння і ўзрост загінуўшых і пацярпелых высвятляюцца.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары