У выніку нападу на будынак штаба службы забеспячэння ВМС ЗША у Адміралтэйстве ў Вашынгтоне у панядзелак, 16 верасня, загінулі 12 чалавек, у тым ліку адзін з стралкоў.
Матывы нападнікаў устанаўліваюцца. Паліцыя працягвае пошукі яшчэ двух падазраваных у нападзе. Гэта белы мужчына ва ўніформе колеру хакі і чарнаскуры ў адзенні ваеннага стылю і брудна-зялёнага колеру. Іх асобы пакуль не ўстаноўлены, ці з'яўляюцца яны вайскоўцамі, невядома.
Паводле амерыканскіх СМІ, забіты стралок -- 50-гадовы супрацоўнік ВМС, якога нядаўна «перавялі на іншую працу або звольнілі».
У паліцыі не пацвердзілі , але і не абверглі гэтыя дадзеныя. Расследаванне інцыдэнту ўзялі пад кантроль супрацоўнікі ФБР.
Раней паведамлялася прынамсі пра пяць параненых. Па ўдакладненых звестках, сярод іх двое паліцыянтаў, адзін з іх шпіталізаваны, яго стан стабілізаваўся.
У Медыцынскі цэнтр Вашынгтона дастаўлены тры чалавекі з агнястрэльнымі раненнямі, яны знаходзяцца ў крытычным стане.
Прэзідэнт ЗША Барак Абама назваў тое, што адбылося ў Вашынгтоне, «невытлумачальнай жорсткасцю», якую вайскоўцам цяжка было чакаць у сябе дома.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы1
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары