Сур'ёзнае ДТЗ з пацярпелымі здарылася вечарам 7 кастрычніка (каля 17:40) у Мінску.
На праспекце Дзяржынскага паміж скрыжаваннямі з праспектам Любімава і вуліцай Касманаўтаў 39-гадовы вадзіцель пасажырскага аўтобуса МАЗ, які накіроўваўся па маршруце №96, на хуткасці наехаў на асвятляльную мачту.
Усе абставіны здарэння высвятляюцца, і поўнай інфармацыі пакуль няма. Пазней было ўдакладнена, што ў медустановы машынамі хуткай дапамогі было дастаўлена 15 чалавек.
«Іх павезлі на абследаванне ў бальніцы, пасля чаго будзе зразумела, колькі будзе шпіталізавана, а колькі адпушчана дамоў», — патлумачылі ў ДАІ.
Прычына, з-за якой вадзіцель не справіўся з кіраваннем, пакуль не ўстаноўлена. Усё стане вядома па выніках экспертыз.
Каментары